Naani : శ్యామ్ సింగ్ రాయ్ సినిమా విజయం తర్వాత నాచురల్ స్టార్ నాని నుంచి వస్తున్న మరో క్రేజీ చిత్రం ‘అంటే సుందరానికి..’. ఈ సినిమాలో నాని కి జోడిగా కేరళ బ్యూటీ అయిన నజ్రియా తొలిసారి తెలుగు సినిమాలో నటించనుంది. నటించడమే కాకుండా తన డబ్బింగ్ తానే చెప్పుకోవడం విశేషం. అంటే సుందరానికి సినిమాను యువ దర్శకుడైన వివేక్ ఆత్రేయ దర్శకత్వం వహిస్తున్నాడు. ఇప్పటికే ఈ సినిమా నుంచి విడుదలైన పోస్టర్లకు పాటకు మంచి స్పందన లభించింది. ఒక మంచి ఫ్యామిలీ కామెడీ ఎంటర్ టైనర్ గా ఈ సినిమా రూపొందిస్తున్నారు.
మైత్రి మూవీ మేకర్స్ సగర్వంగా ఈ సినిమాను నిర్మిస్తున్నారు. జూన్ 10వ తేదీన సినిమా విడుదల కాబోతోంది అని చిత్రబృందం అధికారికంగా ప్రకటన చేసింది. సినిమా విడుదల తేది దగ్గర పడుతుండటంతో చిత్రబృందం టీజర్ నీ విడుదల చేశారు. ఈ వేడుకను ఏఎంబి మాల్ లో ఘనంగా నిర్వహించారు. అయితే ఈ సినిమా దక్షిణాది అన్ని భాషల్లోనూ విడుదల చేస్తుండగా కన్నడ భాషలో మాత్రం డబ్ అవ్వట్లేదు. టీజర్ వేడుకలో కన్నడ భాషలో సినిమాను డబ్ చేసే విషయంగా నానీ చేసిన కామెంట్స్ కన్నడ అభిమానులను హర్ట్ చేశాయి.
Apologies if Not conveyed properly 🙏🏼proud of Kannada cinema and its success across the boundaries 🤍
— Nani (@NameisNani) April 20, 2022
ఈ వేడుకలో నాని మాట్లాడుతూ.. ‘ఈ చిత్రాన్ని కన్నడ ప్రేక్షకులు తెలుగులోనే చూస్తారు. అందుకే కన్నడలో మా మూవీని డబ్ చేయడం లేదు. ఎందుకంటే చాలా మంది కన్నడ ప్రజలు తెలుగు అర్థం చేసుకుంటారు. తెలుగు చిత్రాలను తెలుగులోనే చూసేందుకు వారు ఇష్టపడతారు. కానీ మిగతా వాళ్లకు మాత్రం వాళ్ళ భాషల్లో సినిమాను విడుదల చేస్తేనే అర్థమౌవుతుంది’ అని అన్నాడు. ఈ మాటలకు కన్నడ అభిమానులు కాస్త హర్ట్ అయ్యారు.దీంతో నాని కన్నడ ఆడియన్స్‌కు సోషల్‌ మీడియా వేదికగా క్షమాపణలు చెప్పాడు.