సితార ఎంటర్టైన్మెంట్స్ బ్యానర్ పై నార్నె నితిన్, రామ్ నితిన్, సంగీత్ శోభన్ లు హీరోగా కళ్యాణ్ శంకర్ దర్శకత్వంలో నాగ వంశీ నిర్మించిన సినిమా మ్యాడ్. నార్నె నితిన్ ఈ సినిమాతోనే సినిమా ఎంట్రీ జరిగింది. ఈ సినిమా ఊహించని రీతిలో సక్సెస్ ని సాధించి అంతే ఆదరణ ఓటిటిలో కూడా సంపాదించిన ఈ సినిమాకి ఇప్పుడు సీక్వెల్ గా మ్యాడ్ 2 తెరకెక్కుతుంది. ఈ సినిమాని కూడా మ్యాట్ దర్శకుడు కళ్యాణ్ శంకర్ దర్శకత్వం వహించడం విశేషం.
మ్యాడ్ 2 సినిమాలో ముగ్గురు హీరోల ఫ్యామిలీ లైఫ్ లో ఫన్ రైడ్ ని తెరమీద ఆవిష్కరించబోతున్నట్లు టాక్ వినిపిస్తోంది. అయితే ఈ సినిమాలో ఒక స్పెషల్ సాంగ్ ఉండబోతుందట. ఈ సాంగ్ కోసం ఒక మలయాళీ ముద్దుగుమ్మని సెలెక్ట్ చేసినట్లు తెలుస్తుంది. ఈ సాంగ్ కోసం చాలామంది పేర్లు చర్చల్లోకి వచ్చినప్పటికీ ఈమెనే సెలెక్ట్ చేసినట్లు సమాచారం. ఆమె మరెవరో కాదు సామజవర గమన సినిమాలో శ్రీ విష్ణు కి జోడిగా నటించిన రెబా మౌనిక జాన్.
ఈమె త్వరలోనే ఈ స్పెషల్ సాంగ్ లో నటించబోతున్నట్లు సమాచారం. అయితే దీనికి సంబంధించి అఫీషియల్ అనౌన్స్మెంట్ రావాల్సి ఉంది. ఈ సినిమాని కూడా సితార ఎంటర్టైన్మెంట్స్ బ్యానర్ పైనే నిర్మిస్తున్నారు. సామజ వర గమన సినిమాతో మంచి క్రేజ్ ని సంపాదించుకున్న రెబా మౌనిక జాన్ పవన్ కళ్యాణ్ సినిమా బ్రో లో నటించే అవకాశాన్ని కొద్దిలో కోల్పోయిందని చాలా తక్కువ మందికి తెలుసు.
ఇదే విషయం గా ఆమె మాట్లాడుతూ బ్రో సినిమాకి నేను లుక్ టెస్ట్ ఇచ్చాను కానీ ఆ సినిమాకి సెలెక్ట్ అవ్వలేకపోయాను. అదే సమయంలో వేరే ఫ్రెండ్ ద్వారా నిర్మాత రాజేష్ దండాను కలిశాను. అక్కడ కూడా లుక్ టెస్ట్ ఇచ్చి సెలెక్ట్ అయ్యాను అలా సామజ వరగమన సినిమాలో అవకాశం దొరికింది అని చెప్పుకొచ్చింది ఈ మలయాళీ ముద్దుగుమ్మ. ఈమెకి మ్యాడ్ 2 సినిమా మంచి సక్సెస్ ఇవ్వాలని కోరుకుందాం.