చికెన్‌తో ‘కోలిపట్టు’ కూర వండిన ర‌ష్మిక‌..చెఫ్‌గా ఛాన్సివ్వండి అని కోరుతున్న ఉపాస‌న‌

మెగా కోడ‌లు ఉసాస‌న బిజినెస్ రంగంలో దూసుకెళుతుంది. ఆ మ‌ధ్య‌ టెక్నాలజీని పూర్తిగా ఉపయోగించుకుంటూ, అర్హులైన నిపుణుల నుండి నిర్దుష్టమైన సమాచారాన్నిఅందుకోవడం ద్వారా ఆరోగ్యకరమైన జీవనశైలిని ప్ర‌జ‌ల‌కు ఎలా అందించాల‌నే ఉద్ధేశంతో URLife.co.in అనే వెబ్ సైట్ ను ప్రారంభించింది. దీనికి మేనేజింగ్ డైరెక్ట‌ర్‌గా ఉన్న ఉపాస‌న ప్రస్తుత కాలానికి తగిన ఆరోగ్య సూత్రాలను, పోషకాల గురించిన వీడియోలను, ఆహార నియమాల ప్రణాళికలను, జీవనశైలి సలహాలను, సూచనలను సెల‌బ్రిటీల‌తో ఇప్పిస్తుంది.

ఇందుకోసం పలువురు భామ‌ల‌ని గెస్ట్ ఎడిట‌ర్‌గా పిలిపించి వారిచేత వెరైటీ వంట‌లు చేయిస్తుంది. ఆ మ‌ధ్య స‌మంత‌తో పోషకాహార‌పు వంట‌లు చేయించి వావ్ అనిపించింది. ఇక తాజాగా ర‌ష్మిక‌తో కోలిప‌ట్టు కూర చేయించింది. చికెన్‌తో చేసిన కోలిప‌ట్టు కూర రుచి చూసిన ఉపాస‌న వంద‌కు వంద మార్కులు ఇచ్చింది. అంతేకాదు చెఫ్‌గా ప‌నికొస్తావు, ఎవ‌రైన చెఫ్ ఛాన్స్ ఉంటే ఇవ్వండ‌ని కామెడీ చేసింది ఉపాస‌న‌. ఇందుకు సంబంధించిన వీడియోని ఉప్సీ త‌న సోష‌ల్ మీడియాలో షేర్ చేయ‌గా, ఫుల్ వైర‌ల్ అయింది.

ర‌ష్మిక మందాన సినిమాల విష‌యానికి వ‌స్తే ఆమె ప్ర‌స్తుతం పుష్ప అనే సినిమా చేస్తుంది. అల్లు అర్జున్ స‌ర‌స‌న క‌థానాయిక‌గా న‌టిస్తున్న ఈ అమ్మ‌డు త‌న పాత్ర‌తో తెలుగు ప్రేక్ష‌కుల‌ని ఎంత‌గానో మెప్పిస్తుంద‌ట‌. ఈ ఏడాది స‌రిలేరు నీకెవ్వ‌రు చిత్రంతో ప‌ల‌క‌రించిన విష‌యం తెలిసిందే.