బాలీవుడ్ స్టార్ హీరోయిన్ కత్రినా కైఫ్ గత కొంత కాలం నుండి విక్కీ కౌశల్ ప్రేమలో ఉన్న విషయం మనకు తెలిసిందే. ఈ క్రమంలోనే గత కొన్ని సంవత్సరాల నుంచి ప్రేమలో ఉన్న ఈ జంట మరి కొద్ది రోజులలో ఒక్కటి కాబోతున్నారని తెలుస్తోంది. ఈ క్రమంలోనే డిసెంబర్ 9 వ తేదీ విక్కీ కౌశల్ కత్రినాకైఫ్ పెళ్లి చేసుకోబోతున్నారని అధికారికంగా ప్రకటించారు. వీరి పెళ్లి రాజస్థాన్ లోని ఎంతో అంగరంగ వైభవంగా కుటుంబసభ్యులు సన్నిహితులు మద్య జరగనుంది. ఇప్పటికే వీరి పెళ్లికి సంబంధించిన అన్ని పనులు శరవేగంగా జరుగుతున్నట్లు తెలుస్తోంది.
ఇకపోతే తాజాగా ఈ జంట గురించి ఓ విషయం సోషల్ మీడియాలో వైరల్ గా మారింది. వివాహం తరువాత కత్రినాకైఫ్ ముంబైలోని ఒక అపార్ట్మెంట్ లో ఉండబోతున్నారని ఇప్పటికే ఆ అపార్ట్మెంట్ మూడు సంవత్సరాల పాటు అగ్రిమెంట్ కుదుర్చుకుని విక్కీ కౌశల్ ఏకంగా కోటి 75 లక్షలు చెల్లించినట్లు సమాచారం. అయితే వీరు ఉంటున్న అపార్ట్ మెంట్ లోనే మరొక స్టార్ కపుల్స్ కూడా నివాసం ఉన్నట్లు తెలుస్తోంది. ఇండియన్ క్రికెటర్ విరాట్ కోహ్లీ అనుష్క శర్మ దంపతులు కూడా ఇదే అపార్ట్ మెంట్ లో రెంట్ కు ఉన్నారు.
ఇక విరాట్ కోహ్లీ ఈ అపార్ట్మెంట్ లో రెండు అంతస్తులను అద్దెకు తీసుకోగా కత్రినాకైఫ్ విక్కీ కౌశల్ ఒక ఫ్లోర్ అద్దెకు తీసుకున్నట్లు సమాచారం. కత్రినాకైఫ్ విక్కీ కౌశల్ ఉండబోయే ఫ్లాట్ నెలకు ఎనిమిది లక్షలు అద్దె చెల్లించబోతున్నారని సమాచారం. ఇక ఈ రేంజ్ లో అద్దె చెల్లిస్తున్నారు అంటే ఆ ఫ్లాట్స్ ఎన్ని సౌకర్యాలతో కూడుకొని ఉంటుందో అర్థమవుతుంది. ఇకపోతే డిసెంబర్ 9 వ తేదీ వివాహబంధంతో ఒకటి కానున్నట్లు తెలుస్తోంది.