Yash : ప్రశాంత్ నీల్ దర్శకత్వంలో వచ్చిన కేజీఫ్ సిరీస్ లకు ఎంతటి క్రేజ్ వచ్చిందో మనం అందరం చూశాం. కేజీఫ్ 2 సినిమా తో ప్రశాంత్ నీల్ అందరి దృష్టిని మరోసారి సౌతిండియా వైపు చూసేలా చేశారు. ఈ సినిమాలో హీరోగా నటించిన యష్ కు పాన్ ఇండియా రేంజ్ స్టార్ డమ్ వచ్చింది. అయితే ఇప్పుడు యష్ కే జి ఎఫ్ 2 సినిమా తర్వాత ఎలాంటి సినిమాలు తీయబోతున్నాడు అన్నదానిపైనే అందరి ఆసక్తి ఉంది. కే జి ఎఫ్ 2 సినిమా కు సరితూగే సినిమాలు చేస్తే మాత్రమే యష్ కెరీర్ కీ ప్లస్ అవుతుంది అన్న వాదనలు వినిపిస్తున్నాయి.
అయితే అభిమానులు టాలీవుడ్ టాప్ డైరెక్టర్ తో యష్ తదుపరి చిత్రాలు తీస్తే బాగుంటుంది అని భావిస్తున్నారు. యష్ మాత్రం పాన్ ఇండియా రేంజ్ సినిమాలు తీసే సత్తా ఉన్నా డైరెక్టర్లకు మాత్రమే అవకాశాలు ఇచ్చే ఆలోచనలో ఉన్నట్టు కనిపిస్తోంది. అయితే తదుపరి సినిమాల ఎంపిక విషయంలో యష్ హీరో ప్రభాస్ ని ఫాలో అవుతున్నట్లు తెలుస్తోంది. ప్రభాస్ లాగానే యష్ కూడా భారీ బడ్జెట్ సినిమాలు తీసే అవకాశాలు కనిపిస్తున్నాయి. అంతేకాదు హీరోయిన్ లను కూడా పాన్ ఇండియా రేంజ్ ఇమేజ్ వున్నవాళ్లనే పెట్టుకునేలా ప్లాన్ చేసుకుంటున్నారు.
ప్రస్తుతం కే జి ఎఫ్ 2 సక్సెస్ ని బాగా ఎంజాయ్ చేస్తున్న యష్ త్వరలోనే తన తదుపరి చిత్రాల గురించి అధికారిక ప్రకటన చేసే అవకాశం ఉంది. మరోవైపు కేజిఎఫ్ 2 సక్సెస్ కారణంగా సోషల్ మీడియాలోనూ, తెలుగు తమిళ్ ఇలా ఇతర భాషల్లోనూ యష్ ఇమేజ్ బాగా పెరిగిపోయింది. మరో వైపు కే జి ఎఫ్ 2 కలెక్షన్ల రికార్డులు ఇంకా కొనసాగుతూనే ఉన్నాయి. మరోవైపు కే జి ఎఫ్ 2 దర్శకుడైన ప్రశాంత్ నీల్ తో కూడా సినిమాలు చేయడానికి స్టార్ హీరోలు, బాలీవుడ్ హీరోలు సైతం ఆసక్తి కనబరుస్తున్నారు. అయితే ప్రశాంత్ నీల్ మాత్రం కొత్త ప్రాజెక్టు ఏది ఓకే చేసే లాగా కనిపించడం లేదు.