టాలీవుడ్ స్టార్ డైరెక్టర్ ఎస్.ఎస్ రాజమౌళి బాహుబలి,RRR వంటి భారీ బడ్జెట్ పాన్ ఇండియా సినిమాల సక్సెస్ తో పాన్ ఇండియా డైరెక్టర్గా గుర్తింపు తెచ్చుకున్నాడు. రాజమౌళి దర్శకత్వంలో వచ్చిన విక్రమార్కుడు, చత్రపతి,ఈగ, మగధీర, బాహుబలి, RRR వంటి సినిమాలతో తన రికార్డులను తానే తిరగ రాసుకొని టాలీవుడ్ సినిమా ఇండస్ట్రీలో అగ్ర దర్శకునిగా కొనసాగుతున్నారు అనడంలో ఎటువంటి సందేహం లేదు.
రాజమౌళి తదుపరిచిత్రం ప్రిన్స్ మహేష్ బాబుతో నిర్మిస్తున్నాడు అనే విషయం తెలిసిందే.ఈ సినిమాకి సంబంధించిన స్క్రిప్టు, నటీనటుల ఎంపిక వంటి విషయాలతో బిజీగా ఉన్నారు. మహేష్ బాబు రాజమౌళి దర్శకత్వంలో వస్తున్న మొదటి సినిమా కావడంతో ప్రేక్షకుల్లో మరింత ఆసక్తి నెలకొంది. తాజాగా రాజమౌళి కొన్ని ఆసక్తికర విషయాలను ప్రేక్షకులతో పంచుకున్నారు. రాజమౌళి దర్శకత్వం వహించిన సినిమాల్లో తనకి ఇష్టమైన సినిమా రవితేజ హీరోగా నటించిన విక్రమార్కుడు సినిమా అని చెప్పుకొచ్చాడు.
రాజమౌళి మగధీర సినిమా రిలీజ్ సమయంలో బాగా టెన్షన్ పడ్డానని మగధీర సినిమా సక్సెస్ సాధించకుంటే నా పరిస్థితి ఏంటో నాకే అర్థం కాదు. అదృష్టవశాత్తు నేను పడిన కష్టానికి ప్రతిఫలంగా మగధీర సినిమా ఘన విజయం సాధించింది. ఇక రాజమౌళి భార్య రమా రాజమౌళి గురించి మాట్లాడుతూ తన పని తాను చేసుకుని ఇంటిని శుభ్రంగా ఉంచడం తనకు ఎంతో ఇష్టమని అలాగే ఖాళీ సమయంలో మేమిద్దరం కూర్చుని సోది మాట్లాడుకుంటామని ఈ సందర్భంగా తెలియజేశారు.అన్నారు.నాకు కంఫర్ట్ ఉన్న టెక్నీషియన్లతో పని చేయడం ఇష్టమని అయితే ఆ టెక్నీషియన్లు నా కుటుంబంలోనే ఉండడం నా అదృష్టంగా భావిస్తున్నానని చెప్పాడు.