మెగాస్టార్ చిరంజీవి రీ ఎంట్రీ తర్వాత అద్భుతమైన హిట్ అందుకొని మంచి కలెక్షన్లను రాబట్టిన సినిమాలలో గాడ్ ఫాదర్ సినిమా ఒకటి.మలయాళ సూపర్ హిట్ చిత్రం లూసిఫర్ సినిమాకి రీమేక్ చిత్రంగా ప్రేక్షకుల ముందుకు వచ్చిన ఈ సినిమా మంచి కలెక్షన్లను రాబట్టింది.మోహన్ రాజా దర్శకత్వంలో తెరకెక్కిన ఈ సినిమా దసరా పండుగ సందర్భంగా అక్టోబర్ 5వ తేదీ విడుదలై పాజిటివ్ టాక్ సొంతం చేసుకోవడమే కాకుండా భారీ కలెక్షన్లను రాబట్టింది. ఇలా ఈ సినిమా గురించి పెద్ద ఎత్తున చిత్ర బృందం ప్రశంసలు కురిపించారు.
ఇకపోతే జాతి రత్నాలు సినిమా ద్వారా డైరెక్టర్ గా ఎంతో పేరు సంపాదించుకున్న అనుదీప్ తాజాగా ఒక ఇంటర్వ్యూలో పాల్గొన్నారు. ఈ ఇంటర్వ్యూలో భాగంగా ఈయన గాడ్ ఫాదర్ సినిమా గురించి ప్రస్తావిస్తూ ఈ సినిమా పై షాకింగ్ కామెంట్స్ చేశారు.ఈ క్రమంలోనే యాంకర్ గాడ్ ఫాదర్ సినిమా చూశారా అంటూ ప్రశ్నించగా అందరూ తనని ఇదే ప్రశ్న అడుగుతుంటే సినిమా చూశానని ఈయన సమాధానం చెప్పారు.
ఈ సినిమా చూసిన తర్వాత తనకు సినిమా చాలా బోరింగ్ అనిపించిందని సినిమా తనకు ఏమాత్రం నచ్చలేదంటూ ఈయన కామెంట్స్ చేశారు.ఇలా ఈయన కామెంట్ చేయడంతో ఒక్కసారిగా ఆశ్చర్యపోయిన యాంకర్ అసలు మీరు ఏ గాడ్ ఫాదర్ గురించి మాట్లాడుతున్నారో తెలుసుకోవచ్చా అంటూ ప్రశ్నించారు.ఈ క్రమంలోనే అనుదీప్ మాట్లాడుతూ తాను హిందీ గాడ్ ఫాదర్ గురించి మాట్లాడుతున్నానని నాకు ఆ సినిమా ఏ మాత్రం నచ్చలేదంటూ ఈయన చెప్పినటువంటి సమాధానం అందరిని ఓకింత ఆశ్చర్యానికి గురిచేస్తుంది.ప్రస్తుతం ఈ వీడియో సోషల్ మీడియాలో వైరల్ కావడంతో చాలామంది ఈయన చిరంజీవి సినిమా గురించి చెప్పి చివరిలో మాట మార్చారు అంటూ కామెంట్ చేస్తున్నారు.