బిగ్ బాస్ 4: గ‌తాన్ని గుర్తు చేసిన బిగ్ బాస్.. ఎమోష‌న‌ల్ అవుతూ కంట‌క‌న్నీరు పెట్టుకున్న హౌజ్‌మేట్స్

బిగ్ బాస్ షోలో న‌టించ‌డం అనేది ఉండ‌దు. ఈ రియాలిటీ షోలో అంత‌గా రియ‌ల్‌గానే ఉండాల్సి వ‌స్తుంది. కోపం, ఆవేశం, బాధ‌, ఎమోష‌న్, హ‌స్యం ఇలా అన్ని మ‌న‌లో నుండి త‌న్నుకుంటూ బ‌య‌ట‌కు వ‌స్తాయి. ఎంత న‌టించాల‌నుకున్నా కూడా ఏదో ఒక సంద‌ర్భంలో ఎమోష‌న్స్ అన్నీ ఆటోమెటిక్‌గా బ‌య‌ట‌కు వ‌స్తుంటాయి. వంద రోజుల‌కి పైగా న‌లుగు గ‌దుల మద్య సాగే ఈ ఆట బుల్లితెర ప్రేక్ష‌కుల‌కి ప‌సందైన విందు అందిస్తుంది. మ‌రో వైపు ఇందులో గ‌డిపిన ప్ర‌తి స‌మ‌యం హౌజ్‌మేట్స్‌కు తీపి గుర్తులుగా మిగిలిపోతున్నాయి.

డిసెంబ‌ర్ 20న బిగ్ బాస్ సీజ‌న్ 4 గ్రాండ్ ఫినాలే ఉండ‌గా, ఇందుకు సంబంధించి భారీ ఏర్పాట్లు చేస్తున్నారు నిర్వాహ‌కులు. ఇక ఈ వారం సీజ‌న్ 4 చివ‌రి వారం కావ‌డంతో ఫైన‌లిస్ట్‌లని అన్ని ర‌కాలుగా ఎంట‌ర్టైన్ చేస్తూ వ‌స్తున్నారు. గెస్ట్‌ల‌తో మాట్లాడిస్తూ, వారి తీపి గురుతులని క‌ళ్ల ముందు ఉంచుతూ వాళ్ళకు అన్ని ర‌కాల వినోదాన్ని అందిస్తున్నారు. ఈ రోజు ఎపిసోడ్‌లో బిగ్ బాస్ హౌజ్‌మేట్స్‌ని ఎమోష‌న్‌తో కంట క‌న్నీరు పెట్టించారు . తాజాగా నేటి ఎపిసోడ్‌కు సంబంధించిన ప్రోమో విడుద‌ల కాగా, ఇందులో వాళ్ళ జ‌ర్నీని చూపించారు. 100 రోజుల జ‌ర్నీని చూసి చాలా ఎమోష‌న్ అయ్యారు. ఎలిమినేట్ అయిన వాళ్ళ‌తో ఉన్న బాండింగ్ గుర్తొచ్చి ఏడ్చారు

త‌మ‌కు ఇలాంటి మెమోర‌బుల్ గిఫ్ట్ ఇచ్చిన బిగ్ బాస్‌కు అంద‌రు కృత‌జ్ఞ‌త‌లు తెలిపారు. హారిక అయితే రేపు నేను ఉన్నా లేకపోయినా నా జీవితంలో మాత్రం బిగ్ బాస్ ఓ తీపి జ్ఞాపకంగా ఉంటుందంటూ కన్నీరు పెట్టుకుంది . ఇక అరియానా, సోహైల్, అఖిల్‌, అభిజీత్‌లు కూడా చాలా ఎమోష‌న‌ల్ అయ్యారు. బిగ్ బాస్ తన జీవితంలో మరిచిపోలేని ఫీలింగ్ అని చెప్పాడు అఖిల్. క‌రోనా స‌మ‌యంలోను ఎంతో స‌క్సెస్‌ఫుల్‌గా బిగ్ బాస్ షోని నిర్వ‌హించి ఫైన‌ల్ స్టేజ్‌కు తీసుకురావడం నిజంగా గొప్ప విష‌య‌మ‌నే చెప్పాలి.