Sree Vishnu: కింగ్ ఆఫ్ ఎంటర్టైన్మెంట్ శ్రీ విష్ణు హిలేరియస్ జాయ్రైడ్ ‘విష్ణు విన్యాసం’తో అలరించబోతున్నారు. యదునాథ్ మారుతీ రావు దర్శకత్వంలో, శ్రీ సుబ్రహ్మణ్యేశ్వర సినిమాస్ బ్యానర్పై సుమంత్ నాయుడు జి నిర్మించిన ఈ చిత్రంలో శ్రీ విష్ణు సరసన నయన్ సారిక హీరోయిన్ గా నటిస్తోంది. ఇపటికే ప్రమోషనల్ కంటెంట్ హ్యుజ్ బజ్ క్రియేట్ చేసింది. ఫిబ్రవరి 27న ఈ సినిమా ప్రపంచవ్యాప్తంగా విడుదల చేయనున్నారు. ఈ సందర్భంగా హీరో శ్రీ విష్ణు విలేకరుల సమావేశంలో సినిమా విశేషాలు పంచుకున్నారు.
మీరు గ్రహాలని, జాతకాలని నమ్ముతారా?
-అన్ని ఫాలో అవ్వను, కానీ మనం చిన్నప్పటి నుంచి అందరితోపాటు అలవాటు చేసుకున్న కొన్నిటిని ఫాలో అవుతాను. పర్సనల్ గా నాకైతే ఫలానా టైము ఫలానా నెంబర్లు అనే నమ్మకాలు లేవు.
విష్ణు విన్యాసం ప్రాజెక్టు ఎలా మొదలైంది?
-డైరెక్టర్ మారుతి కథ చెప్పారు. నాకు చాలా నచ్చింది. అందరూ రిలేట్ అయ్యే కథ, చాలా మంచి క్యారెక్టర్. ఫ్యామిలీతో కలిసి హ్యాపీగా నవ్వుకోవచ్చు. కథ విన్న వెంటనే మొదలుపెట్టాం.
ఇందులో హీరోయిన్ క్యారెక్టర్ చాలా డామినేటింగ్ గా ఉంది కదా?
-ఆ క్యారెక్టరైజేషన్ ని ప్రేక్షకులు చాలా బాగా ఎంజాయ్ చేస్తారు. హీరోయిన్ డామినేషన్ సినిమాలో నా క్యారెక్టర్ కి ప్రాబ్లం అవుతూ ఉంటుంది. ఆడియన్స్ మాత్రం చాలా బాగా కనెక్ట్ అవుతారు. అందునుంచి చాలా మంచి ఫన్ జనరేట్ అవుతుంది. ఇందులో హీరోయిన్ క్యారెక్టర్ కాస్త అనుమానస్పదంగా ఉంటుంది.
-నయన్ సారిక రెండు మూడు పేజీలు సీన్ కూడా సింగిల్ టేక్ లో చేసింది. తన పెర్ఫార్మన్స్ ఈ సినిమాలో చాలా ప్రత్యేకంగా ఉంటుంది. ఆడియన్స్ చాలా బాగా కనెక్ట్ అవుతారు.
-ఫస్ట్ హాఫ్ యూత్ కి సెకండ్ హాఫ్ యూత్ తో పాటు ఫ్యామిలీ కూడా కనెక్ట్ అవుతుంది. సెకండ్ హాఫ్ లో వచ్చే ఫ్యామిలీ కామెడీ ప్రేక్షకులు చాలా ఎంజాయ్ చేస్తారు.
ఇందులో మీ క్యారెక్టర్ ఎలాంటి ఎక్సైట్మెంట్ ని క్రియేట్ చేసింది?
-ఇలాంటి క్యారెక్టర్ చేయడం నాకు కొత్త. ఈ క్యారెక్టర్ కి కొన్ని రూల్స్ ఉంటాయి. చాలా నమ్మకాలు ని ఫాలో అవుతుంటాడు. చాలా ఇంట్రెస్టింగ్ గా ఉంటుంది
-డైరెక్టర్ మారుతి సినిమాని చాలా బాగా హ్యాండిల్ చేశాడు. చాలా క్లారిటీ ఉన్న డైరెక్టర్. ఎడిటింగ్ మీద కూడా చాలా మంచి గ్రిప్ ఉంది. అలాగే సినిమాలో మంచి అనుభవం ఉన్న టెక్నీషియన్స్ పనిచేయడం కూడా ప్లస్సు అయ్యింది.
మ్యూజిక్ గురించి?
-రథన్ చాలా మంచి మ్యూజిక్ ఇచ్చారు. అన్ని కూడా కథ నుంచి వచ్చిన పాటలే. నాలుగు పాటల్లో కూడా మంచి ఫన్ ఉంటుంది.మేము షూటింగ్ కి వెళ్ళకముందే పాటలన్నీ చేయించుకున్నాం. మా వరకు తను అనుకున్న సమయంలోనే పాటలన్నీ ఇచ్చేశారు. తను అందుబాటులో లేకపోవడం వల్ల నేపథ్య సంగీతం సురేష్ బొబ్బిలి గారితో చేయించాం. అది కూడా అద్భుతంగా వచ్చింది
మీ మార్క్ డైలాగ్స్ ఇందులో ఉంటాయా
-అన్నీ ఉంటాయి. కథ, క్యారెక్టర్ చాలా ఇంట్రెస్టింగ్ గా సరదాగా అనిపిస్తాయి. ఇందులో ఇంకొంచెం డిఫరెంట్ టైమింగ్ చూస్తారు.
-ఇందులో లెక్చరర్ గా కనిపిస్తాను. అక్కడ కూడా తను నెంబర్లను ఫాలో అవుతాడు. ఇందులో వీరి వీరి గుమ్మడి పండు అనే ఒక సీక్వెన్స్ ఉంది. ఆ ఎపిసోడ్ కి థియేటర్ మొత్తం నవ్వులతో బ్లాస్ట్ అవుతుంది. అలాగే ఇంటర్వెల్లో ఎవరు ఊహించనంత ఎంటర్టైనింగ్ గా ఉంటుంది. ఇందులో మంచి సిచువేషన్ కామెడీ ఉంటుంది.
బ్యాక్ టు బ్యాక్ ఓటిటి డిల్స్ ఫినిష్ కావడం ఎలా అనిపిస్తుంది?
-ఈ రెండు సినిమాలే కాదండి.. మరో మూడు సినిమాల డీల్స్ కూడా కంప్లీట్ అయ్యాయి. రిలీజ్ కి ముందే ప్రొడ్యూసర్స్ హ్యాపీగా ఉండడం చాలా ఆనందాన్నిస్తుంది. మన బడ్జెట్ బ్రాకెట్లో జాగ్రత్తగా సినిమా చేసుకోవడానికి కూడా ఒక మంచి అవకాశం. నేనెప్పుడూ కూడా ప్రొడ్యూసర్స్ పెట్టే డబ్బులు వెనక్కి వస్తే చాలు అనే ఆలోచనతోనే ఉంటాను. ఇప్పుడు అలా అన్ని సినిమాలు జరగడం హ్యాపీగా ఉంది.
రెండు సినిమాలు ఒకేసారి వచ్చే పరిస్థితి వచ్చింది. కానీ మీ వల్లే ఇది సోలో రిలీజ్ సాధ్యపడిందని నిర్మాతలు చెప్పారు?
-ఇది కొంచెం సున్నితమైన అంశం. ఎలా బ్యాలెన్స్ చేయాలా అనేదానిమీద నేను కూడా ఒక రెండు మూడు రోజులు స్ట్రగుల్ అయ్యాను. ప్రొడ్యూసర్స్ కూడా అర్థం చేసుకున్నారు. ఇప్పుడు అందరూ అనుకుంటున్నట్టుగా ఓటీటీ ఒక కారణం అయితే ఇంకో కారణం కూడా ఉంది. అది ఇప్పుడే చెప్పకూడదు. రిలీజ్ తర్వాత సమయం వచ్చినప్పుడు చెప్తాను. అది ముందే చెప్తే పబ్లిసిటీ స్టంట్ అనుకునే అవకాశం ఉంది.
నిర్మాతల సపోర్టు గురించి ?
సుబ్రమణ్యం గారు, సుమంత్ గారు 100% సపోర్ట్ చేశారు. సినిమా విషయంలో వాళ్ళు చాలా హ్యాపీగా ఉన్నారు. మాకు చాలా ఫ్రీడమ్ ఇచ్చారు. మేము అనుకున్న బడ్జెట్లో ఒక పది, పదిహేను శాతం తక్కువ లోనే పూర్తి చేశాం.
కొత్త సినిమాలు గురించి?
-కామ్రేడ్ కళ్యాణ్ 80% షూటింగ్ పూర్తయింది. చాలా కొత్తగా ఉంటుంది. అలాగే రామ్ అబ్బరాజుతో ఓ సినిమా త్వరలో స్టార్ట్ కాబోతుంది. అలాగే సితారలో సన్నీ అనే ఒక కొత్త దర్శకుడు తో ఓ సినిమా చేస్తున్నాను. అది కూడా చాలా ఇంట్రెస్టింగ్ గా ఉంటుంది. సింగిల్ సీక్వెల్ కూడా రాస్తున్నారు.
మీరు చాలా ఫాస్ట్ గా సినిమాలు చేస్తున్నారు కదా?
-నేను అన్ని కూడా మన చుట్టూ ఉండే కధలే చేస్తున్నాను. అని మనకు తెలిసిన పాత్రలే. మిడిల్ క్లాస్ స్టోరీ సెట్ అప్. ఇలాంటి సినిమాలు కి సంవత్సరాలు పట్టదు. సింపుల్ గానే ఒక 60,70 రోజుల్లో చేసుకోవచ్చు. అందుకే ఫాస్ట్ గా అవుతున్నాయని భావిస్తున్నాను.
-నిజానికి కామెడీ చేయడం, నవ్వించడం కష్టం. అయితే మాక్సిమం సిచువేషనల్ కామెడీస్ చేస్తున్నాం కాబట్టి వర్కౌట్ అవుతున్నాయి.
ఇందులో సత్యతో మీ కామెడీ ఎలా ఉండిపోతుంది?
-సత్యతో ఇంతకుముందు చేశాను. ఇందులో తను నాకు కో లెక్చరర్ గా కనిపిస్తాడు. చాలా సరదాగా ఉంటుంది.
ఈ సినిమా ఆడియన్స్ కి ఎలాంటి ఎక్స్పీరియన్స్ ఇస్తుంది?
-ఒక రెండు గంటలపాటు హాయిగా నవ్వుకోవచ్చు. మంచి ఎంటర్టైనర్. ఫ్యామిలీతో కలిసి హ్యాపీగా చూడొచ్చు. ఈ వీకెండ్ కి హ్యాపీగా టైంపాస్ చేసి రావచ్చు.
