బిగ్ బాస్ షోలో సోహెల్ మాట్లాడే మాటలు కొన్ని నిజమవుతూనే వచ్చాయి. మెహబూబ్, అమ్మ రాజశేఖర్‌ల నామినేషన్ విషయంలో ఓ మాట అన్నాడు. మీ ఇద్దరే నామినేషన్‌లో ఉంటే ఎలా అని ఓ సారి మెహబూబ్‌ను సోహెల్ అన్నాడు. చివరకు అదే జరిగింది. మెహబూబ్ అమ్మ రాజశేఖర్‌ల మధ్యనే ఎలిమినేషన్ వచ్చింది. అయితే ఆ రోజు నోయల్ బయటకు వెళ్లాడన్న కారణంతో నామినేషన్స్ క్యాన్సిల్ చేశారు. అలా సోహెల్ మాట నిజమైంది.
మళ్లీ ఓసారి అరియానా టాప్ 5లో ఉంటుందని మెహబూబ్‌తో అన్నాడు. నీ దరిద్రమైన నోరుతో అనకు అంతా రివర్స్ అవుతుందని మెహబూబ్ సోహెల్‌తో అన్నాడు. అయితే మనిద్దరం నామినేషన్స్‌లో ఉంటామని ఆ నాడు సోహెల్ అన్నాడు. చివరకు అదే జరిగింది. మెహబూబ్ సోహెల్‌లో ఎవరో ఒకరు ఉంటారు.. మరొకరు ఎలిమినేట్ అయిపోతారు అనే పరిస్థితి వచ్చింది. ఆ వారంలో మెహబూబ్ ఎలిమినేట్ అయ్యాడు. సోహెల్ బతికిపోయాడు.
అలా సోహెల్ అన్న మాటలు నిజమవుతూనే వచ్చాయి. నిన్నటి ఎపిసోడ్‌లోనూ సోహల్ ఓ మాట అన్నాడు. అవినాష్ సోహెల్ గార్డెన్ ఏరియాలో ముచ్చట్లు పెట్టుకున్నారు. ఈ వారం నేను ఎలిమినేట్ అవుతానా? అని అవినాష్ సోహెల్‌ను అడిగాడు. ఈ వీకెండ్‌కు ఏ డ్రెస్ వేసుకుంటావ్ అని సోహెల్ అడిగాడు. మనకేం తెలుసు మా వాళ్లు ఏది పంపిస్తే అదే అని అవినాష్ అన్నాడు. కాస్త మంచిది పంపించు స్టేజ్ మీద బాగా కనపడాలి కదా అని పరోక్షంగా కౌంటర్ వేశాడు. మొదటి సారి ఆ మాటకు అర్థం కాక అవినాష్ లైట్ తీసుకున్నాడు. రెండో సారి కూడా అనడంతో అసలు విషయం అర్థమైంది. అంటే నేను ఎలిమినేట్ అవుతానని అంటున్నావా? అని సోహెల్‌పై అవినాష్ ఫైర్ అయ్యాడు. అయితే బయట ట్రెండ్ కూడా అలానే ఉంది. అవినాష్ ఈ వారం ఎలిమినేట్ అయ్యే చాన్సులు ఎక్కువగానే ఉన్నాయి. కానీ ఎవిక్షన్ ఫ్రీ పాస్ ద్వారా ఎలిమినేషన్స్ నుంచి తప్పించుకునే అవకాశం ఉండటంతో ఈజీగానే సేవ్ అవుతాడు.