బిగ్ బాస్ షోలో పన్నెండో వారం జలజ అనే దెయ్యం ఇంటి సభ్యులను ముప్పుతిప్పలు పెట్టింది. ఇంకా పెడుతూనే ఉండేలా కనిపిస్తోంది. మొన్నటి నుంచి ఇంట్లో కంటెస్టెంట్లను ఆడుకుంటూ ఉన్న జలజ.. నిన్నటి ఎపిసోడ్‌లో ఒక్కొక్కరికి చుక్కలు చూపించింది. ఇక అసలే దెయ్యమంటే భయపడే అరియానాను ఓ ఆటాడుకుంది. ఇంటి సభ్యులందరినీ లివింగ్ ఏరియాలోని సోఫాలో కూర్చోబెట్టి రామ్ గోపాల్ వర్మ సినిమాను చూపెట్టాడు. దీంతో అందరూ తీక్షణంగా చూస్తుంటే అరియానా మాత్రం ఉలిక్కిపడుతూ భయపడుతూ చూస్తుంది.
ఆ సినిమా మధ్య మధ్యలో ఆపి కన్ఫెషన్ రూంలోకి పంపించి.. అక్కడ పెట్టిన చెంచాలను (స్పూన్స్) వెతికి తీసుకురావాలని తెలిపాడు. అయితే అది మొత్తం చీకటి గదిలా ఉండగా.. దాన్ని దెయ్యాల కొంపలా సెట్ చేశారు. అందులో జలజ తన గొంతుతో భయపెడుతూ ఉంటుంది.. లైట్లు వేస్తూ ఆర్పేస్తూ భయపెట్టింది. అలా మొదట సారి సినిమా ఆపిన తరువాత అరియానాను లోపలికి పిలిచింది. అయితే తాను మాత్రం ఒంటరిగా వెళ్లనని మొండికేసి కూర్చుంది. అవినాష్ కూడా అరియానాతో వెళ్లాడు.
లోపలకి వెళ్లేందుకు నానా తంటాలు పడింది అరియానా. అరియానా లోపలికి వెళ్లేందుకు మారాం చేస్తుంటే అఖిల్ సోహెల్ ధైర్యం నింపి పంపేందుకు ట్రైచేశారు. లోపలికి వెళ్లిన అరియానా అరుపులతో రచ్చ రచ్చ చేసింది. అరియానా అరుపులకు బయట సోహెల్ ఎంజాయ్ చేశాడు. అలా అరియానా భయపడుతూ ఉంటే ఫుల్ మజాగా ఉందంటూ..డ్యాన్సులు వేస్తూ రచ్చ చేశాడు. ఇక లోపల అరియానా భయానికి అవినాష్ కూడా బెదిరిపోయాడు.