బిగ్ బాస్ షోలో మటన్, చికెన్, కూల్ డ్రింక్స్ ఇలా ఏది స్పెషల్‌గా వచ్చినా సరే ఇంటి సభ్యుల ఆనందానికి అవధుల్లేకుండా పోతాయి. మరీ ముఖ్యంగా నాన్ వెజ్ అంటే అందరూ ఎగిరి గంతేస్తారు. అయితే నిన్నటి ఎపిసోడ్‌లో ఇంటి సభ్యులందరూ నిరుత్సాహపడ్డారు. మటన్ చేస్తారని అందరూ ఆశపడ్డారు. మెహబూబ్ మటన్ కోసం మరింత ఎక్కువగా వ్యాయామం చేశాడు., సోహెల్ కూడా ఎక్సర్‌సైజ్ చేశాడట.
కానీ రేషన్ మేనేజర్ అయిన అవినాష్ తప్పిదం వల్ల మటన్ పాడైపోయింది. దాన్ని డీప్ ఫ్రిడ్జ్‌లో పెట్టకుండా ఉండటంతో మటన్ మొత్తం పాడైపోయింది. ఉదయాన్నే లేచాక ఈ రోజు మటన్ వండుతామని, తింటామని ఎంతో ఆశపడ్డాము ఇలా అయిపోయిందంటూ అందరూ కలిసి రేషన్ మేనేజర్ మీద విరుచుకుపడ్డారు. రేషన్ మేనేజర్‌గా విఫలమైనందుకు తదుపరి వారం నామినేట్ చేస్తామని చెప్పడంతో అవినాష్ బెదిరిపోయాడు.
బిగ్ బాస్‌ను అడిగి మాకు వెంటనే కేజీ మటన్ తెప్పించు లేదంటే వచ్చే వారం నామినేట్ చేస్తామని ఇంటి సభ్యులు హెచ్చరించారు. ఇది సరిపోదన్నట్టుగా అరియానా మరింత ఎక్కించిచెప్పింది. అది సీక్రెట్ టాస్క్ అని అందుకే అలా చేశాడని సోహెల్‌తో చెప్పింది. అది నిజమని నమ్మి మిగతా వారికి కూడా చెప్పాడు. మెహబూబ్, అరియానా, సోహెల్ కలిసి అవినాష్‌ను కుమ్మి అవతల పారేశారు. మొత్తానికి మటన్ అంటూ అందరూ ఆశపడ్డారు. అంతలోనే నిరుత్సాహపడ్డారు.