బొమ్మ అదిరింది షో గురించి అందరికీ తెలిసిందే. జబర్దస్త్‌కు పోటీగా పెట్టిన అదిరింది షోలో మార్పులు చేర్పులు చేసి బొమ్మ అదిరిందిగా తీసుకొచ్చారు. రావడం రావడంతోనే సంచలనాలు సృష్టించారు. వైఎస్ జగన్ మీదే సెటైర్లు, ఇమిటేషన్లు చేసి పాపులర్ అయ్యారు. మొత్తానికి ఆ స్కిట్ పుణ్యమా అని బొమ్మ అదిరింది బాగానే క్లిక్ అయింది. ఆ తరువాత ప్రతీ వారం కొత్త కొత్త కాన్సెప్ట్‌లతో ముందుకు వస్తున్నారు.
అయితే బొమ్మ అదిరింది షోలో ప్రతీ వారం ఓ గెస్ట్‌ను పిలుస్తున్నారు. మొదట్లో సుమ, అలీ వచ్చారు. ఓ రెండు ఎపిసోడ్‌లో వీరు సందడి చేశారు. ఆ తరువాత కొత్తగా కొందరినీ పట్టుకొస్తున్నారు. సెలెబ్రిటీలను గెస్ట్‌లుగా పిలిచి వారిని ఎంటర్టైన్ చేస్తున్నారు. ఆ క్రమంలో అంతకు ముందు రాహుల్ రామకృష్ణ వచ్చాడు. చివరి వారంలో శివ శంకర్ మాస్టర్ వచ్చాడు. తాజాగా మరో సెలెబ్రిటీ వచ్చాడు. అతనెవరో కాదు మెగా వీరాభిమాని బండ్ల గణేష్.
బండ్ల గణేష్‌ను బొమ్మ అదిరింది కోసం నాగబాబు తీసుకొచ్చినట్టున్నాడు. ఒక్క ఎపిసోడ్ అలా జడ్జ్‌ల స్థానంలో కూర్చొబెట్టారు. తాజాగా బండ్ల గణేష్ బొమ్మ అదిరింది సెట్‌లో దిగిన ఫోటోను షేర్ చేశాడు. ఫోటోనే వైరల్ అవుతుందని అనుకుంటే.. నాగబాబుపై బండ్ల గణేష్ చేసిన కామెంట్స్ అంతకు మించి వైరల్ అవుతున్నాయి. బోల్డ్‌గా మాట్లాడే నా సోదరుడు నాగబాబుతో అని క్యాప్షన్ పెట్టేశాడు.