యానిమల్ వర్సెస్ వైల్డ్ యానిమల్.. వైరల్ అవుతున్న ఆర్జీవి ట్వీట్!

సినీ ఇండస్ట్రీలో వివాదాలకు కేరాఫ్ అడ్రస్ అయిన దర్శకుడు రామ్ గోపాల్ వర్మ గురించి ప్రత్యేకమైన పరిచయం అక్కర్లేదు. ఆయన సినిమాలతో ఎంత పాపులర్ అయ్యారో వివాదాలతో అంతకన్నా ఎక్కువగా పాపులర్ అయ్యారు.ఆయనకంటూ సపరేట్ ఫ్యాన్ బేస్ ఉంటుంది. ఇండస్ట్రీలో ప్రస్తుతం ఉన్న దర్శకులలో చాలామంది ఆయన దగ్గర అసిస్టెంట్లుగా చేసిన వాళ్లే. అయితే డైరెక్టర్ సందీప్ రెడ్డి వంగా డైరెక్టర్ ఆర్జీవి కి పెద్ద ఫ్యాన్ అన్న సంగతి తెలిసిందే.

ఆయన కూడా బాలీవుడ్ లో యానిమల్ సినిమాతో సంచలనాలు సృష్టించాడు. ఇకపోతే సందీప్ యానిమల్ అయితే వర్మ వైల్డ్ యానిమల్. అలాంటి ఈ ఇద్దరు ఒకే స్టేజ్ పై ఒకరిని ఒకరు ఇంటర్వ్యూ చేసుకుంటే ఎలా ఉంటుంది. వింటేనే గూస్ బంప్స్ వస్తున్నాయి కదా కానీ నిజంగానే అలాంటి ఇంటర్వ్యూ ఒకటి రాబోతుందని అందుకు సంబంధించిన చిన్న ప్రోమో టైప్ వీడియోని విడుదల చేశారు రామ్ గోపాల్ వర్మ. దీంతో రూల్స్ ని పెద్దగా లెక్క చేయని డైరెక్టర్లు ఇద్దరు ఏం మాట్లాడుకోబోతున్నారు అనే క్యూరియాసిటీ ప్రేక్షకులలో పెరిగిపోయింది.

వర్మ ట్వీట్లో ఏం చెప్పారంటే యానిమల్ వర్సెస్ వైల్డ్ అనిమల్ నేను, సందీప్. శివ వర్సెస్ అర్జున్ రెడ్డి రెండింటిలో ఏది బెటర్ అనే విషయంపై గ్లౌస్ లేకుండా క్రూరమైన పోరాటం చేస్తున్నాము. పూర్తి ఇంటర్వ్యూ కోసం నవంబర్ 26వ తేదీ రాత్రి 8 గంటలకు ప్రసారమవుతుంది అంటూ ట్వీట్ చేశారు. ఇప్పుడు ఈ ట్వీట్ తెగ వైరల్ అవుతుంది. వర్మ షేర్ చేసిన వీడియోలో మీరు బాహుబలి లాంటి సినిమా తీయగలరా అని రాంగోపాల్ వర్మని ప్రశ్నించాడు సందీప్ రెడ్డి.

రాంగోపాల్ వర్మ శివ, అర్జున్ రెడ్డి ఈ రెండింటిలో ఏది బెటర్ అని ప్రశ్నించారు. అయితే సందీప్ రెడ్డి మాట్లాడుతూ సినిమా అంటే ఇది అని బాక్స్ ఆఫీస్ వద్ద నిలబెట్టిన చిత్రం రంగీలా అంటూ రాంగోపాల్ వర్మ మీద ప్రశంసల వర్షం కురిపించాడు. అందరి నోర్లు మూయించాలి మీ నుంచి భారీ హిట్ కోసం ఎదురు చూస్తున్నాం అని సందీప్ అడగగా నీ మీద ఒట్టు ఆ ప్రయత్నంలోనే ఉన్నాను ఈసారి బాక్స్ ఆఫీస్ కాదు రికార్డులు కూడా బ్రేక్ కావాల్సిందే అంటూ కామెంట్ చేశారు వర్మ. ఇప్పటికే వైరల్ అవుతున్న ఈ వీడియో కోసం ప్రేక్షకులు ఎంతో ఆత్రుతగా ఎదురు చూస్తున్నారు.