సినిమాలోని పాత్రల కోసం కొంత మంది విపరీతంగా కష్టపడుతుంటారు. అలా పాత్రల కోసంప్రాణం పెట్టేవారికి మంచి క్యారెక్టర్స్ పడుతుంటాయి. హీరోయిన్లు గ్లామర్ పాత్రలకే పరిమితమైతే నటించేందుకు స్కోప్ ఉండే పాత్రలు అంతగా రావు. కానీ కొద్దిగా కొత్తగా ట్రై చేద్దామని చూసేవారికి బోలెడన్నీ వెరైటీ కథలు వస్తుంటాయి. త్రిష, ఐశ్వర్యా ర్యాజేష్, కీర్తి సురేష్, ఆండ్రియా, తాప్సీ వంటి వారంతా కూడా ఇప్పుడు లేడీ ఓరియెంటెడ్ కథలకు, స్పెషల్ పాత్రలకు కేరాఫ్ అడ్రస్‌గా నిలుస్తున్నారు.
ఇందులో ఆండ్రియా గురించి ముందుగా చెప్పుకోవాలి. గ్లామర్ కావాల్సినంత ఉన్న ఈ భామ మల్టీటాలెంటెడ్. సింగర్‌గానూ ఆండ్రియా తన ప్రతిభను చాటుకుంది. కోలీవుడ్‌లో భిన్న పాత్రలకు ఆండ్రియా పెట్టింది పేరు. పర్ఫామెన్స్‌లో ఆండ్రియా స్టైలే వేరు. అలాంటి ఆండ్రియా తాజాగా మాస్టర్ సినిమాలో మెరిసింది. ఇందులో విలు విద్యకారిణిగా ఆండ్రియా కనిపించి మెప్పించింది. కోలీవుడ్‌లొ సినిమా బ్లాక్ బస్టర్ అయ్యే సరికి ఆండ్రియా మురిసిపోతోన్నట్టుంది.
ఆండ్రియాది కూడా ఇంపార్టెంట్ రోల్ అవ్వడం, యాక్షన్ సీక్వెన్స్‌లో పాలు పంచుకోవడం, అందులో ఆండ్రియా తన బాణాలను విసరడంతో బాగానే క్లిక్ అయింది. అయితే ఆర్చరీ అంటే కనిపించేంత ఈజీగా కాదని అది చాలా కష్టమని ఆండ్రియా చెప్పుకొస్తుంది. మాస్టర్ సినిమా కోసం ఆండ్రియా ఆర్చరీని నేర్చుకుంటున్న సెషన్, నాటి వీడియోలను షేర్ చేసింది. మొత్తానికి పాత్ర కోసం ఆండ్రియా బాగానే వర్కవుట్లు చేసినట్టు కనిపిస్తోంది.