బిగ్ బాస్ షోలో స్కామ్ వీడియో రోజు రోజుకి వైరల్ అవుతోంది. దానిపై సోహెల్ , మెహబూబ్ మాట్లాడే వాటికి పొంతన లేకుండా పోతోంది. పైగా అఖిల్ మళ్లీ కొన్ని మాట్లాలు అనడంతో ఓ క్లారిటీ వచ్చింది. చివరి రోజు అఖిల్‌తో మెహబూబ్ సైగల విషయాన్ని ప్రస్థావించానని సోహెల్ చెప్పుకొచ్చాడు. కానీ అఖిల్ మాత్రం వాటికి భిన్నంగా సమాధానాలు చెబుతున్నాడు. మొత్తానికి ఈ వ్యవహారం రోజుకో రకంగా యూటర్న్ తిరుగుతోంది. సోహెల్ మెహబూబ్‌ను స్కాం పేరిట దారుణంగా ట్రోల్ చేసి పడేస్తున్నారు.
మెహబూబ్ ఇచ్చిన హింట్ వల్లే సోహెల్ 25 లక్షలు తీసుకు వచ్చాడని ఓ వీడియో చెక్కర్లు కొడుతూనే ఉంది. దానిపై సోహెల్ మెహబూబ్‌లు క్లారిటీ ఇచ్చారు. లైవ్‌లోకి వచ్చి మరీ ఆ ఇద్దరూ విషయంపై నోరు విప్పారు. అవి ఇన్ స్టాగ్రాం ఫాలోవర్స్ కోసం చేసిన సైగలు అంటూ కవర్ చేసే ప్రయత్నం చేశారు. కానీ అక్కడే అందరికీ అనుమానం మొదలైంది. సోహెల్ ఒకలా.. మెహబూబ్ ఒకలా చెబుతున్నారు. కొన్ని చోట్ల మా పొజిషన్ గురించి అడిగామని, ఇంకొన్ని చోట్ల ఇన్ స్టాగ్రాం ఫాలోవర్స్ అంటూ కబుర్లు చెబుతున్నారు.
అయితే మెహబూబ్ చేసిన సైగలు అర్థం కాలేదని, అఖిల్ తాను చర్చించుకున్నామని సోహెల్ చెబుతున్నాడు. కానీ ఇదే విషయాన్ని అఖిల్ అడిగితే..సోహెల్ తనకు ఎన్నడూ కూడా చెప్పలేదని, అసలు ఆ విషయమే తనకు తెలీదని అన్నాడు. వారు ఏం చేసినా నాకు అవసరం లేదు.. డబ్బుల కోసం నేను మాత్రం అలా చేయను.. అలా చేస్తే ఓట్లు వేసిన వారిని కించపరిచినట్టే.. డబ్బులుకావాలంటే ఎలాగైనా సంపాదించవచ్చని అఖిల్ చెప్పుకొచ్చాడు.