ఒకప్పుడు హీరోయిన్‌గా ఫుల్ ఫాంలో ఉన్న స్నేహా మధ్యలో సినిమాలకు దూరమైంది. పెళ్లి తరువాత స్నేహా ఇండస్ట్రికి దూరంగా ఉంటూ వచ్చింది. హీరో ప్రసన్నను స్నేహ ప్రేమించిపెళ్లి చేసుకున్న సంగతి తెలిసిందే. ప్రసన్న స్నేహల ప్రేమ కథను ఎన్నో సార్లు వారిద్దరూ బయట పెట్టేశారు. చిన్న అడ్డంకులు ఏర్పడినా కూడా చివరకు ఒక్కటయ్యారు. ఇప్పుడు ఫ్యామిలీతో కలిసి హాయిగా ఉంటున్నారు.
ఓ వైపు ప్రసన్న, మరో వైపు స్నేహా సినిమాలతో బిజీ అయిపోతున్నారు. ఫ్యామిలీ అంతా కలిసి యాడ్స్‌లో నటిస్తూ సంపాదిస్తుంటారు. ఇక స్నేహా అయితే ఈ మధ్య సోషల్ మీడియాలోనూ ఫుల్ యాక్టివ్ అయిపోతోంది. ఆ మధ్య కొడుకు ఫంక్షన్ చేసిన సమయంలో బయటకు వచ్చిన ఫోటోలు తెగ వైరల్ అయ్యాయి. స్నేహా ఇప్పుడు సెకండ్ ఇన్నింగ్స్ ప్రారంభించేసింది. కథలో తనకు ప్రాధాన్యమున్న పాత్రలు వస్తే చేస్తోంది.
స్నేహా చివరగా వినయ విధేయ రామ చిత్రంలో నటించింది. ఇక ప్రసన్న విలన్‌గా, క్యారెక్టర్ ఆర్టిస్ట్‌గా సెటిల్ అయ్యాడు. అయితే స్నేహా ప్రస్తుతం తన ఫిట్ నెస్‌పై దృష్టి పెట్టింది. వర్కవుట్లతో తెగ కష్టపడుతోంది. ఈ మేరకు ట్రైనర్ ఆధ్వర్యంలో స్నేహ చెమటోడ్చుతోంది. మొత్తానికి స్నేహా ఇప్పుడు మునుపటిలా బిజీ అయ్యేందుకు బాగానే ట్రై చేస్తోన్నట్టు కనిపిస్తోంది. మరి స్నేహకు తెలుగులో మరిన్ని అవకాశాలు వస్తాయో లేదో చూడాలి.