క‌రోనా ఎఫెక్ట్‌తో షూటింగ్స్ ఆగిపోవ‌డం, థియేట‌ర్స్ మూత‌ప‌డ‌డంతో సినీ ల‌వ‌ర్స్‌కు వినోదం అనేది పూర్తిగా క‌రువైంది. అయితే అడ‌పాద‌డ‌పా ఓటీటీలో చిన్న‌చిత‌కా సినిమాలు విడుదల అవుతుండ‌డంతో వాటిని చూస్తూ కాస్త ఊర‌ట చెందుతున్నారు. 2021లో బ‌డా హీరోల సినిమాలు ప్రేక్షకుల ముందుకు రానుండ‌గా, వాటి కోసం అభిమానులు ఎంతో ఆసక్తిగా ఎదురు చూస్తున్నారు. అయితే ఈ నెల‌లో ఏడు సినిమాలు ఓటీటీ ద్వారా ప్రేక్ష‌కుల‌ని ప‌ల‌క‌రించ‌నున్న‌ట్టు తెలుస్తుంది.
న‌‌వంబర్‌లో, వివిధ రకాలైన 7 సినిమాలు తెలుగు సినీ ప్రేమికులను మంత్రముగ్ధులను చేయటానికి సిద్ధ‌మ‌య్యాయి. ఇవన్నీ ఓటీటీలోనే విడుదల కానుండ‌గా, మొద‌ట కీర్తి సురేష్ మిస్ ఇండియా చిత్రం నవంబర్ 4న నెట్‌ఫ్లిక్స్ లో రానుంది. ఇక యుఎస్ లో చిత్రీకరించిన గతం అనే తక్కువ బడ్జెట్ సైకలాజికల్ థ్రిల్లర్ అమెజాన్ ప్రైమ్ వీడియోలో నవంబర్ 6 న విడుదల కానుంది. ఈ చిత్రం మంచి సాంకేతిక విలువలతో నిర్మించబడినట్లు తెలుస్తోంది.
నవంబర్ 12 న అమెజాన్ ప్రైమ్‌లో స్టార్ హీరో సూర్య న‌టించిన ఆకాశం నీ హద్దు రా (తమిళంలో సూరరై పొట్రూ) విడుదల కానుంది. ఈ చిత్రం ఫలితాన్ని అభిమానులు మరియు పరిశ్రమ వర్గాలు ఎంతో ఆసక్తిగా చూస్తాయి. ఆపై, అల్లు అరవింద్ కు సంబంధించిన ఆహాలో నవంబర్ 13 నుండి సిద్ధు జోన్నలగడ్డ మరియు సీరత్ కపూర్ రొమాంటిక్ ఎంటర్టైనర్, మా వింత గాధ వినుమా స్ట్రీమింగ్ కానుంది. ఇక ఇదే ప్లాట్‌ఫాంలో పాయ‌ల్ రాజ్‌పుత్‌, కృష్ణ చైత‌న్య ఇంటెన్స్ థ్రిల్లర్ అన‌గ‌న‌గ ఓ అతిధి చిత్రం కూడా నవంబర్ 13న రిలీజ్ కానుంది.
ఇక నయనతార తమిళ కామెడీ థ్రిల్లర్, మూకుతి అమ్మన్, తెలుగులో అమ్మోరు తల్లిగా విడుదలవుతోంది. డిస్నీ ప్లస్ హాట్‌స్టార్ ఈ చిత్రాన్ని నవంబర్ 14 న ప్రదర్శిస్తుంది. ట్రైలర్ విడుద‌లైన‌ప్ప‌టి నుండి ఈ చిత్రం భారీ అంచ‌నాలు పెంచింది. చివరగా, యువ నటులు ఆనంద్ దేవరకొండ మరియు వర్షా బొల్లమ్మ మిడిల్ క్లాస్ మెలోడీస్ నవంబర్ 20 న అమెజాన్ ప్రైమ్ వీడియోలో డిజిటల్ ప్రీమియర్ కానుంది. ఈ సినిమాలతో పాటు, మ‌రికొన్ని చిత్రాలు, వెబ్ సిరీస్‌లు కూడా ఈ నెల‌లో సంద‌డి చేయ‌నున్నాయి.