చెన్నైలోని యునైటెడ్ ఇండియా ఇన్సూరెన్స్ కంపెనీ నిరుద్యోగులకు తీపికబురు అందించింది. యునైటెడ్ ఇండియా ఇన్సూరెన్స్ కంపెనీ కార్యాలయాలలో అసిస్టెంట్ పోస్టుల భర్తీ కోసం జాబ్ నోటిఫికేషన్ ను విడుదల చేసింది. ఈ ఉద్యోగాలలో అసిస్టెంట్ పోస్టులు 300 ఉండగా అర్హత, ఆసక్తి ఆధారంగా ఈ ఉద్యోగాలకు దరఖాస్తు చేసుకోవాల్సి ఉంటుంది. ఈ ఉద్యోగాలలో ఆంధ్రప్రదేశ్‌లో 8 ఖాళీలు ఉండగా తెలంగాణ రాష్ట్రంలో 3 ఖాళీలు ఉన్నాయి.
గుర్తింపు పొందిన యూనివర్సిటీ నుంచి డిగ్రీ కలిగి ఉన్నవాళ్లు ఈ ఉద్యోగ ఖాళీల కోసం దరఖాస్తు చేసుకోవచ్చు. 2023 సంవత్సరం డిసెంబర్ 30 నాటికి 30 సంవత్సరాల లోపు వయస్సు ఉన్నవాళ్లు ఈ ఉద్యోగాలకు అర్హులు. ఈ ఉద్యోగాలకు ఎంపికైన వాళ్లకు గరిష్టంగా రూ.62,265 వరకు వేతనం లభించనుందని సమాచారం అందుతోంది. ఆన్ లైన్ పరీక్షతో పాటు రీజినల్‌ లాంగ్వేజ్‌ టెస్ట్‌, డాక్యుమెంట్ వెరిఫికేషన్, మెడికల్ ఎగ్జామినేషన్ ద్వారా ఈ ఉద్యోగాలకు ఎంపిక చేస్తారు.
జనరల్ అభ్యర్థులకు దరఖాస్తు ఫీజు 1000 రూపాయలుగా ఉండగా ఎస్సీ, ఎస్టీ, దివ్యాంగ అభ్యర్థులకు దరఖాస్తు ఫీజు దరఖాస్తు ఫీజు 250 రూపాయలుగా ఉంది. 2024 సంవత్సరం జనవరి 6వ తేదీ ఈ ఉద్యోగాలకు దరఖాస్తు చేసుకోవడానికి చివరి తేదీగా ఉంది. అర్హత ఉన్నవాళ్లు ఈ ఉద్యోగాలకు వెంటనే దరఖాస్తు చేసుకుంటే మంచిది. వరుస జాబ్ నోటిఫికేషన్ల ద్వారా నిరుద్యోగులకు ప్రయోజనం చేకూరనుంది.
అర్హత ఉన్నవాళ్లు ఈ ఉద్యోగాల కోసం వెంటనే దరఖాస్తు చేసుకుంటే మంచిదని నెటిజన్ల నుంచి అభిప్రాయాలు వ్యక్తమవుతున్నాయి. ఎక్కువ మొత్తం వేతనం లభిస్తుండటంతో ఈ ఉద్యోగాలకు పోటీ సైతం ఎక్కువగా ఉండే ఛాన్స్ ఉంది.