మనలో చాలామంది పసుపు వల్ల కలిగే ఆరోగ్య ప్రయోజనాల గురించి అవగాహన కలిగి ఉంటారు. పసుపు నీటితో స్నానం చేయడం వల్ల ఎన్నో ఆరోగ్య ప్రయోజనాలు చేకూరుతాయి. పసుపు నీటితో స్నానం చేయడం ద్వారా మురికి, గాయాలను తగ్గించుకోవడంతో పాటు చర్మ సంబంధిత సమస్యలకు చెక్ పెట్టవచ్చు. దురద, చికాకు, దద్దుర్లు సమస్యతో బాధ పడేవాళ్లు పసుపు నీటితో స్నానం చేస్తే మంచిది.
పసుపు నీటితో స్నానం చేయడం వల్ల చర్మం రంగు మెరుస్తుందని చెప్పవచ్చు. పసుపు నీటి వల్ల వృద్ధాప్య ఛాయలు తగ్గడంతో పాటు చర్మం బిగుతుగా మారే అవకాశం ఉంటుంది. పసుపు నీళ్లు మొటిమలను తగ్గించడంలో ఎంతగానో తోడ్పడతాయి. పసుపు నీళ్లు గాయాలను తగ్గించడంతో పాటు పిగ్మెంటేషన్ తగ్గించడంలో ఉపయోగపడతాయి. ఖాళీ కడుపుతో పసుపు నీళ్లు తాగితే ఎన్నో ఆరోగ్య ప్రయోజనాలు చేకూరుతాయి.
పసుపు అత్యంత కీలకమైన సుగంధ ద్రవ్యం కాగా పసుపులో ఉండే అనేక ఔషధ గుణాలు ఆరోగ్యానికి ఎన్నో ప్రయోజనాలను కలిగిస్తాయని చెప్పవచ్చు. ప‌సుపుతో చేసిన వంట‌కాలు తిన‌డం వల్ల కూడా మెరుగైన ఆరోగ్యానికి మేలు జరుగుతుందని చెప్పవచ్చు. పసుపులో ఉండే యాంటీఆక్సిడెంట్ గుణాలు శ‌రీర బ‌రువు పెర‌గ‌కుండా తోడ్పడతాయని చెప్పవచ్చు.
పసుపు నీటిని క్రమం తప్పకుండా తాగడం వల్ల జీర్ణ ఆరోగ్యం మెరుగుపడటంతో పాటు అసిడిటీ సమస్య తగ్గుతుంది. పసుపులో కర్కుమిన్ అనే శక్తివంతమైన యాంటీ ఇన్‌ఫ్లమేటరీ లక్షణాలతో కూడిన పదార్థం ఉండటం వల్ల ఆరోగ్య ప్రయోజనాలు చేకూరుతాయి. పసుపు నీటిని క్రమం తప్పకుండా తీసుకుంటే గుండె జబ్బుల ప్రమాదం తగ్గుతుంది.