ఉప్పు నీటితో స్నానం చేయడం సాధారణంగా లాభదాయకంగానే పరిగణిస్తారు. చర్మ సమస్యలు, కండరాల నొప్పులు, మానసిక ఒత్తిడి ఉన్నవారికి ఉప్పునీళ్ళు బెస్ట్ ఛాయిస్ అవుతుంది. అయితే, కొందరికి చికాకు లేదా ఇతర దుష్ప్రభావాలు కూడా రావచ్చు. కాబట్టి, వ్యక్తిగత అవసరాలు మరియు చర్మం సున్నితత్వాన్ని బట్టి ఇది ఉపయోగకరంగా ఉంటుందో లేదో నిర్ణయించుకోవాలి. ఉప్పు నీటిలో ఉండే ఖనిజాలు చర్మ ఆరోగ్యాన్ని మెరుగుపరుస్తాయి, చర్మం పొడిబారకుండా, దురద లేకుండా సహాయపడతాయి.
ఉప్పు నీటిలో స్నానం చేయడం వల్ల కండరాల నొప్పులు, నొప్పులు తగ్గుతాయి కండరాలకు విశ్రాంతి లభిస్తుంది. ఉప్పు నీటి స్నానం మానసిక ఒత్తిడిని తగ్గించి, రిలాక్స్ అవ్వడానికి సహాయపడుతుంది. ఉప్పు నీటి స్నానం శరీరం నుండి విషాన్ని బయటకు పంపడంలో సహాయపడుతుంది, శరీరాన్ని శుద్ధి చేస్తుంది. ఉప్పు నీటిలో స్నానం చేయడం వల్ల జుట్టు సమస్యలు కూడా తగ్గుతాయి, జుట్టు ఆరోగ్యంగా ఉంటుంది.
సున్నితమైన చర్మం ఉన్నవారికి ఉప్పు నీటి స్నానం వల్ల చర్మం ఎర్రబడటం లేదా చికాకు కలిగే అవకాశం ఉంది. కొంతమందికి ఉప్పు నీటి స్నానం వల్ల ఇతర దుష్ప్రభావాలు కూడా రావచ్చు, కాబట్టి సున్నితమైన చర్మం ఉన్నవారు జాగ్రత్తగా ఉండాలి. ఉప్పు నీటి స్నానం చేసే ముందు, మీ చర్మం సున్నితత్వాన్ని పరిగణనలోకి తీసుకోవాలి. ఒకవేళ మీకు చర్మ సమస్యలు లేదా ఇతర ఆరోగ్య సమస్యలు ఉంటే, వైద్యుడిని సంప్రదించడం మంచిది.
మొటిమలను వదిలించుకోవడానికి ఉప్పు నీటి స్నానం ఎంతో ప్రయోజనకరంగా ఉంటుంది. ఉప్పులో ఉండే మినరల్స్ చర్మంపై ఉండే బ్యాక్టీరియాను నాశనం చేసి అనేక ఇన్ఫెక్షన్లు రాకుండా కాపాడటంలో సహాయపడతాయని చెప్పవచ్చు. ఉప్పు నీటితో రెగ్యుల‌ర్‌గా స్నానం చేయడం వల్ల ముఖంపై ముడతలు సైతం తగ్గుతాయి. వెన్నునొప్పిని తగ్గించడంలో సైతం ఇది ఉపయోగపడుతుంది. ఉప్పు నీటితో స్నానం చేయడం వల్ల ఫైబ్రోమైయాల్జియా సమస్య కూడా తగ్గుతుందని నిపుణులు చెబుతున్నారు.