ప్రముఖ సంస్థలలో ఒకటైన నేషనల్ ఫర్టిలైజర్స్ లిమిటెడ్ నిరుద్యోగులకు తీపికబురు అందించింది. 15 నాన్ ఎగ్జిక్యూటివ్ (వర్కర్),అకౌంట్ అసిస్టెంట్ ఉద్యోగ ఖాళీల భర్తీ కోసం ఈ సంస్థ నుంచి జాబ్ నోటిఫికేషన్ విడుదలైంది. nationalfertilizers.com వెబ్ సైట్ ద్వారా ఈ ఉద్యోగ ఖాళీలకు దరఖాస్తు చేసుకోవచ్చు. 2023 సంవత్సరం డిసెంబర్ నెల 1వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది.
మొత్తం 15 అకౌంట్ అసిస్టెంట్ పోస్ట్‌లను నాన్-ఎగ్జిక్యూటివ్ స్థాయిలో వేర్వేరు యూనిట్లు, ఆఫీసుల కోసం భర్తీ చేయనున్నారు. గుర్తింపు పొందిన యూనివర్సిటీ నుంచి కనీసం 50 శాతం మార్కులతో బీకాం పాసైన వాళ్లు ఈ ఉద్యోగ ఖాళీల కోసం దరఖాస్తు చేసుకునే అవకాశం ఉంటుంది. 18 సంవత్సరాల నుంచి 30 సంవత్సరాల మధ్య వయస్సు ఉన్నవాళ్లు ఈ ఉద్యోగ ఖాళీల కోసం దరఖాస్తు చేసుకోవచ్చు.
జనరల్, ఓబీసీ, ఈడబ్ల్యూఎస్ కేటగిరీ అభ్యర్థులకు రూ. 200 ప్లస్ బ్యాంక్ ఛార్జీలు దరఖాస్తు ఫీజుగా ఉండగా ఆన్ లైన్ ద్వారా దరఖాస్తు ఫీజును చెల్లించాల్సి ఉంటుంది. ఈ ఉద్యోగ ఖాళీలకు ఎంపికైన వాళ్లకు రూ. 23000 నుండి రూ. 56500 వరకు వేతనం లభించనుందని సమాచారం అందుతోంది. అధికారిక వెబ్ సైట్ ద్వారా ఈ ఉద్యోగ ఖాళీల కోసం దరఖాస్తు చేసుకోవచ్చు.
అవసరమైన సర్టిఫికెట్లను అప్ లోడ్ చేయడంతో పాటు ఫోటోగ్రాఫ్ పై సంతకం ఉండే విధంగా తగిన జాగ్రత్తలు తీసుకోవాలి. దరఖాస్తు ప్రక్రియ పూర్తైన తర్వాత ప్రింటవుట్ తీసుకోవాలి. వరుస జాబ్ నోటిఫికేషన్ల ద్వారా నిరుద్యోగులకు మేలు జరుగుతుండగా అర్హతల ఆధారంగా ఈ ఉద్యోగ ఖాళీల కోసం దరఖాస్తు చేసుకుంటే మంచిది. ఈ ఉద్యోగాలకు పోటీ ఒకింత ఎక్కువగానే ఉండనుంది.