నేషనల్ ఫెర్టిలైజర్స్ లిమిటెడ్‌ ప్రభుత్వ ఉద్యోగ ఖాళీల కోసం ఎదురుచూస్తున్న నిరుద్యోగులకు ప్రయోజనం చేకూర్చే విధంగా మరో జాబ్ నోటిఫికేషన్ ను విడుదల చేసింది. మేనేజ్‌మెంట్ ట్రైనీ ఉద్యోగ ఖాళీల భర్తీ కోసం ఈ సంస్థ నుంచి జాబ్ నోటిఫికేషన్ విడుదల కాగా ఈ జాబ్ నోటిఫికేషన్ ద్వారా నిరుద్యోగులకు ఊహించని స్థాయిలో ప్రయోజనం చేకూరనుంది. మొత్తం 74 ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారు.
మేనేజ్‌మెంట్ ట్రైనీ మార్కెటింగ్‌లో 60 ఉద్యోగ ఖాళీల భర్తీ జరగనుండగా మేనేజ్‌మెంట్ ట్రైనీ లా 4 ఉద్యోగ ఖాళీలు భర్తీ కానున్నాయి. ఎఫ్‌అండ్‌ ఏ 10 ఉద్యోగ ఖాళీలను భర్తీ చేయనున్నారు. ఆన్ లైన్ ద్వారా అర్హత, ఆసక్తి ఉన్న అభ్యర్థులు దరఖాస్తులను సమర్పించే అవకాశం అయితే ఉంటుందని చెప్పవచ్చు. ఫోటో, సంతకంతో పాటు అవసరమైన పత్రాలను సమర్పించి ఈ ఉద్యోగాలకు దరఖాస్తు చేసుకోవచ్చు.
2023 సంవత్సరం డిసెంబర్ నెల 1వ తేదీ ఈ ఉద్యోగాలకు దరఖాస్తు చేసుకోవడానికి చివరి తేదీగా ఉంది. మార్కెటింగ్ లేదా ఇతర సబ్జెక్టులలో 2 సంవత్సరాల ఫుల్ టైం డిగ్రీని కలిగి ఉన్నవాళ్లు మేనేజ్‌మెంట్ ట్రైనీ మార్కెటింగ్ పోస్ట్‌కు అర్హులు కాగా లాలో ఫుల్ టైం బ్యాచిలర్ డిగ్రీ లేదా 5 సంవత్సరాల ఇంటిగ్రేటెడ్ ఎల్‌ఎల్‌బి డిగ్రీని కలిగి ఉన్నవాళ్లు ఈ ఉద్యోగాల కోసం దరఖాస్తు చేసుకోవచ్చు.
18 నుంచి 27 సంవత్సరాల మధ్య వయస్సు ఉన్నవాళ్లు ఈ ఉద్యోగాలకు అర్హులు కాగా ఈ ఉద్యోగాలకు ఎంపికైన అభ్యర్థులకు రూ.40,000 నుండి రూ.1,40,000 వరకు వేతనం లభించనుందని తెలుస్తోంది. రాత పరీక్షకు 80 శాతం వెయిటేజీ, ఇంటర్వ్యూకు 20 శాతం వెయిటేజీ ఉండగా అర్హత, ఆసక్తి ఉన్నవాళ్లు ఈ ఉద్యోగాలకు దరఖాస్తు చేసుకుంటే మంచిదని చెప్పవచ్చు.