సెంట్రల్ బ్యాంక్ ఆఫ్ ఇండియా నిరుద్యోగులకు తీపికబురు అందించింది. ఫ్యాకల్టీ, ఆఫీస్ అసిస్టెంట్, అటెండర్, వాచ్‌మెన్ గార్డెనర్ ఉద్యోగ ఖాళీల కోసం జాబ్ నోటిఫికేషన్ ను రిలీజ్ చేసింది. మొత్తం 10 ఉద్యోగ ఖాళీలను ఈ జాబ్ నోటిఫికేషన్ ద్వారా భర్తీ చేయనున్నారని తెలుస్తోంది. ఇప్పటికే ఈ ఉద్యోగాలకు సంబంధించి దరఖాస్తు ప్రక్రియ మొదలుకావడం గమనార్హం. సెంట్రల్ బ్యాంక్ అధికారిక వెబ్‌సైట్ ద్వారా ఈ ఉద్యోగాలకు దరఖాస్తు చేసుకోవచ్చు.
మే నెల 31వ తేదీ ఈ ఉద్యోగ ఖాళీలకు దరఖాస్తు చేసుకోవడానికి చివరి తేదీగా ఉంది. ఈ ఉద్యోగ ఖాళీలకు 22 నుంచి 40 సంవత్సరాల మధ్య వయస్సు ఉన్నవాళ్లు అర్హులు. గుర్తింపు పొందిన యూనివర్శిటీ లేదా ఇన్‌స్టిట్యూట్ నుండి పోస్ట్ గ్రాడ్యుయేట్ డిగ్రీని కలిగి ఉండటంతో పాటు కంప్యూటర్ పరిజ్ఞానం ఉన్న అభ్యర్థులు ఈ ఉద్యోగ ఖాళీలకు దరఖాస్తు చేసుకోవచ్చు.
కంప్యూటర్ పరిజ్ఞానంతో పాటు ఏదైనా గ్రాడ్యుయేట్ డిగ్రీ కలిగి ఉన్నవాళ్లు ఈ ఉద్యోగాల కోసం దరఖాస్తు చేసుకోవచ్చు. గుర్తింపు పొందిన బోర్డు లేదా ఇన్‌స్టిట్యూట్ నుండి 10వ తరగతి ఉత్తీర్ణులైన వాళ్లు ఈ ఉద్యోగ ఖాళీలకు అర్హులు. గుర్తింపు పొందిన బోర్డు లేదా ఇన్‌స్టిట్యూట్ నుండి 7వ తరగతి ఉత్తీర్ణులైన వాళ్లు తోటమాలి, చౌకీదార్ జాబ్స్ కు అర్హత కలిగి ఉంటారు.
ఈ ఉద్యోగ ఖాళీలకు ఎంపికైన వాళ్లకు నెలకు 6000 రూపాయల నుంచి 20000 రూపాయల వరకు వేతనం లభిస్తుంది. వ్యక్తిగత ఇంటర్వ్యూ ఆధారంగా ఈ ఉద్యోగ ఖాళీలకు ఎంపిక ప్రక్రియ జరగనుందని సమాచారం అందుతోంది. వరుస జాబ్ నోటిఫికేషన్ల ద్వారా నిరుద్యోగులకు మేలు జరగనుంది.