చామదుంపను ఆహారంగా తినడానికి చాలామంది ఇష్టపడరు కారణం చామదుంప లో ఉన్న ఔషధ గుణాలు, పోషక విలువల గురించి సరైన అవగాహన లేకపోవడమే. ఇప్పుడు చెప్పబోయే అంశాలు తెలిస్తే ఖచ్చితంగా చామదుంపను తినటానికి ఆసక్తి కనపరుస్తారు.చామదుంప తినడానికి జిగటగా వగరుగా ఉన్నప్పటికీ ఇందులో ఎన్నో ఆరోగ్య ప్రయోజనాలు దాగి ఉన్నాయి. ముఖ్యంగా చామదుంపలో విటమిన్ ఏ, విటమిన్ సి, విటమిన్ బి కాంప్లెక్స్, కాల్షియం,ఐరన్,పొటాషియం, ఫాస్పరస్, మెగ్నీషియం, ఫైబర్, కార్బోహైడ్రేట్స్, యాంటీ ఆక్సిడెంట్, యాంటీ క్యాన్సర్ గుణాలు మెండుగా లభ్యం అవుతాయి.
ముఖ్యంగా ఈ శీతాకాలంలో చామదుంపను ఆహారంగా తింటే మనలో వ్యాధి నిరోధక శక్తి పెంపొంది సీజనల్గా వచ్చే అనేక ఇన్ఫెక్షన్లు, అలర్జీల నుంచి రక్షణ పొందవచ్చు. విటమిన్ ఏ కంటి చూపును మెరుగుపరిచి అందత్వ లక్షణాలను తొలగిస్తుంది. క్యాన్సర్ సమస్యతో బాధపడేవారు చామదుంపలను ఆహారంగా తీసుకుంటే ఇందులో ఉండే యాంటీ ఆక్సిడెంట్, యాంటీ ఇన్ఫ్లమేటరీ గుణాలు, యాంటీ క్యాన్సర్ గుణాలు శరీరంలో వ్యాధికారక క్యాన్సర్ కణాలను నియంత్రించడంలో సహాయపడుతుంది. మరియు యాంటీ ఆక్సిడెంట్ శరీరంలో ఏర్పడే ఫ్రీ రాడికల్స్ తొలగించి శరీర జీవక్రియలను మెరుగు పరుస్తాయి.
చామదుంపలను ఆహారంగా తీసుకుంటే ఇందులో ఉండే ఐరన్, విటమిన్ b6, విటమిన్ బి12 హిమోగ్లోబిన్ ఉత్పత్తికి సహాయపడి రక్తహీనత సమస్యను దూరం చేస్తుంది. అలాగే చామదుంపలు ఫైబర్ కంటెంట్ ఎక్కువగా ఉండటం వల్ల గ్లూకోజ్ నిల్వలు రక్తంలో కలవడానికి నియంత్రించి చక్కర వ్యాధిని అదుపులో ఉంచుతుంది. అలాగే ఇన్సులిన్ ఇన్ బ్యాలెన్స్ను నియంత్రిస్తుంది. జీర్ణశక్తిని మెరుగుపరిచి జీర్ణ సంబంధిత సమస్యలను తొలగిస్తుంది. రక్త ప్రసరణ వ్యవస్థను మెరుగుపరిచి రక్తపోటు గుండెపోటు ప్రమాదాలను తగ్గిస్తుంది.