YCP Mark Negative Publicity : పవన్ కళ్యాణ్ సినిమా విడుదలైతే, అది ఎంత చెత్తగా వున్నా.. తొలి వీకెండ్ టిక్కెట్లు దొరకడం దాదాపు అసాధ్యం. పవర్ స్టార్ సినిమా స్టామినా అలాంటిది. కానీ, ఓ సినిమా థియేటర్లో ‘భీమ్లానాయక్‘ సినిమాకి ప్రేక్షకులు లేకపోవడంతో, ఆ థియేటర్ని స్వచ్ఛందంగా మూసివేశారట. అలాగని వైసీపీ అనుకూల మీడియాలో కథనాలొస్తున్నాయ్. స్వయంగా ఆ థియేటర్ యజమానే, ప్రేక్షకులు లేకపోయిన వైనం గురించి చెప్పాడట కూడా.
నిజమేనా.? నిజమే అయితే మాత్రం ఇది ఖచ్చితంగా ఎనిమిదో వింతగానే చెప్పుకోవాలి. మామూలుగా అయితే.. అంటే, టిక్కెట్ ధరలు ఎక్కువగా వున్నప్పుడు, ఫ్లాట్ రేట్ పెట్టి టిక్కెట్లను అడ్డగోలుగా అమ్మేస్తున్నప్పుడు, ఆ టిక్కెట్ల ధరల్ని సామాన్యులు భరించలేని పరిస్థితి వుంటే.. కొన్ని టిక్కెట్లు అమ్ముడు కాకపోవడం జరుగుతుంటుంది.
అంతే తప్ప, సినిమా విడుదలయ్యాక తొలి మూడు రోజులు ‘ఫుల్’ అవకపోవడం.. అనేది పవన్ కళ్యాణ్ లాంటి స్టార్ మీరోలకు జరిగే పని కాదు. మహేష్ అయినా, ప్రభాస్ అయినా, చరణ్, ఎన్టీయార్, అల్లు అర్జున్ లాంటి యంగ్ హీరోలు.. అలాగే చిరంజీవి, బాలకృష్ణ, నాగార్జున, వెంకటేష్ తదితర సీనియర్ హీరోల సినిమాలకీ ఇలా జరగదు.
అంతెందుకు, రవితేజ, నాని, రామ్.. ఇలాంటి చిన్న హీరోలకీ ఈ పరిస్థితి రానే రాదు. మరి, ‘భీమ్లానాయక్’ విషయంలో ఇలాంటి ప్రచారం ఎందుకు జరుగుతోందబ్బా.?