నిద్రలో కలలు రావడం అందరికీ సహజమే. కొందరికి ప్రతి రాత్రి అనేక కలలు వస్తుంటాయి. మరికొందరికి మాత్రం అరుదుగా కలలు వస్తాయి. అయితే మనం చూసే ప్రతి కలకు ఒక అర్థం ఉందని స్వప్న శాస్త్రం చెబుతోంది. మన ఆలోచనలు, మన మనసులో ఉన్న భయాలు, ఆశలు.. ఇవన్నీ కలల రూపంలో బయటపడతాయి. అలా కొందరికి కలలో తేలు కనిపించడం చాలా సాధారణం. కానీ ఆ కల వెనుక దాగి ఉన్న అర్థం మాత్రం అంత సులభం కాదు.
స్వప్నశాస్త్రం ప్రకారం తేలు అనేది విషపూరితమైన, ప్రమాద సూచనలతో కూడిన ప్రాణి. జీవనంలో శత్రువుల రూపంలో ఉన్న వ్యక్తులు లేదా మనకు తెలియని ప్రమాదాలు సమీపిస్తున్నాయనే సంకేతం ఇది. తేలు కలలో కనిపిస్తే మీరు జాగ్రత్తగా ఉండాల్సిన సమయం వచ్చింది అని అర్థం. ముఖ్యంగా, మీరు నమ్మిన వ్యక్తులు మిమ్మల్ని మోసం చేసే అవకాశం ఉందని, ఏదో అనుకోని చిక్కు రావొచ్చని ఆ కల సూచిస్తుంది.
అయితే అదే కలలో మీరు తేలును చంపడం, లేదా దాన్ని మీ చేతితో పారదోలడం చూసినా, అది మీ జీవితంలో ఉన్న అడ్డంకులను అధిగమించి విజయాన్ని అందుకుంటారనే సంకేతం. అంటే మీపై ఉన్న ప్రతికూల శక్తులు తగ్గి, సానుకూల మార్పులు మొదలవుతాయని అర్థం. కానీ తేలు మిమ్మల్ని కుట్టినట్లు, మీరు నొప్పితో బాధపడుతున్నట్లు కల కనబడితే మాత్రం అది మంచి సూచన కాదు. ఇది రాబోయే రోజుల్లో ఆర్థిక ఒత్తిడులు, ఆరోగ్య సమస్యలు లేదా మానసిక ఒత్తిడులు వచ్చే అవకాశాన్ని సూచిస్తుంది. అదే సమయంలో ఈ కల ఒక హెచ్చరిక కూడా.. మీ చుట్టూ ఉన్న వ్యక్తులు, పరిస్థితులు మీద జాగ్రత్తగా ఉండాలని గుర్తుచేస్తుంది.
స్వప్నశాస్త్ర నిపుణుల ప్రకారం, తేలు కలలో కనబడినప్పుడు వెంటనే మన మనసు స్థిరంగా ఉంచి ఆ కల వెనుక ఉన్న సంకేతాన్ని అర్థం చేసుకోవడం మంచిదని సూచిస్తున్నారు. మనం జాగ్రత్తగా, ఆత్మవిశ్వాసంతో ముందుకు సాగితే, ఆ కలలో కనిపించిన ప్రతికూలతలు వాస్తవ జీవితంలో ఎదురైనా వాటిపై గెలవగలమని అంటున్నారు. మన మనసు ఒక అద్దం లాంటిది.. దానిలో ప్రతిబింబమవుతున్న ప్రతి కల మన ఆలోచనలకు, మన భవిష్యత్తుకు ఒక సంకేతం. కాబట్టి, మీరు తేలు కలలో చూసినా భయపడకండి.. దాని అర్థం తెలుసుకోండి, జీవితం పట్ల అప్రమత్తంగా ఉండండి. (గమనిక: ఈ కథనం నిపుణులు అందించిన సాధారణ సమాచారం ఆధారంగా రాసినది. దీనిని తెలుగు రాజ్యం ధృవీకరించడం లేదు.)