తిరుపతికి చెందిన పవన్ కుమార్ అనే దళిత డ్రైవర్పై వైసిపి నేత, ఎమ్మెల్యే భూమన కరుణాకర్ రెడ్డి అనుచరులు దారుణంగా దాడి చేశారు. వైరల్ వీడియో ఈ దాడికి సంబంధించిన వీడియోలు సోషల్ మీడియాలో వైరల్ కావడంతో, ఈ విషయం తీవ్రరూపం దాల్చింది. పోలీసు ఉన్నతాధికారులు ఈ ఘటనను సీరియస్గా తీసుకుని, లోతైన విచారణకు ఆదేశించారు. బాధితుడి తండ్రి నీలం జయరాజు ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.
ఈ దాడి భూమన కరుణాకర్ రెడ్డి, ఆయన కుమారుడు అభినయ్ రెడ్డి కార్యాలయంలోనే, వారి సమక్షంలో జరిగిందనే కోణంలో పోలీసులు విచారిస్తున్నారు. జగ్గారెడ్డి అనే ఒక నిందితుడిని అదుపులోకి తీసుకున్నారు. ప్రధాన నిందితుడైన అనిల్ రెడ్డి కోసం గాలిస్తున్నారు. ఈ దాడిలో కరుణాకర్ రెడ్డి, అభినయ్ రెడ్డి పాత్రపై కూడా దర్యాప్తు జరుగుతోంది.
దాడికి గల కారణాలు, వీడియోలు తీసి వ్యాప్తి చేయడం వెనుక ఉన్న ఉద్దేశ్యాలపై కూడా పోలీసులు ఆరా తీస్తున్నారు. హామీ: ఈ ఘటనకు కారకులైన ప్రతి ఒక్కరిపై కఠిన చర్యలు తీసుకుంటామని పోలీసు అధికారులు స్పష్టం చేశారు.
