ఆయనో యంగ్ హీరో. కొన్నాళ్ళ క్రితమే పెళ్ళయ్యింది. ఆ పెళ్ళి చుట్టూ చాలా గాసిప్స్ వచ్చాయి. విడాకులంటూ ప్రచారమూ జరిగింది. కానీ, అదంతా ఉత్తదేనని తేల్చేశాడో యంగ్ హీరో. ఆ మధ్య పాన్ ఇండియా హీరో అనిపించుకున్నాడు. మళ్ళీ ఆ తర్వాత లోకల్ హీరో అయిపోయాడు.
సొంత పబ్లసిటీ చేసుకోవడంలో మనోడు దిట్ట. ఓ ప్రముఖ హీరోకి అభిమాని అంటాడు.. బోల్డన్ని రాజకీయ పార్టీలతోనూ సన్నిహిత సంబంధాలు కొనసాగిస్తాడు. మనిషి బాగా యాక్టివ్.
తన తాజా సినిమా ప్రమోషన్ నిమిత్తం తెలుగు రాష్ట్రాల్లో పర్యటిస్తూ, బీభత్సమైన పబ్లిసిటీ చేసుకుంటున్నాడు.. సినిమాకంటే ఎక్కువగా సొంత పబ్లిసిటీ చేసుకోవడం చూసి ఆ సినిమా నిర్మాతలే ఆశ్చర్యపోతున్నారట.
అన్నట్టు, తనతో పనిచేసిన హీరోయిన్ ప్రమోషన్ల కోసం కలిసి రావడంలేదంటూ గుస్సా అయ్యాడా హీరో. అది కూడా పబ్లిసిటీ స్టంటేనట. అట్నుంటది మనోడితోని.. అని సినీ వర్గాల్లో ఆ యంగ్ హీరో గురించి ఇంట్రెస్టింగ్ డిస్కషన్ జరుగుతోంది. పబ్లిసిటీ కోసం సొంత సొమ్ములు కూడా ఆ యంగ్ హీరో బాగానే ఖర్చు చేస్తాడట.