ఆ దేశంలో మ‌రోసారి తుపాకులు పేలాయి. ముగ్గురిని బ‌లి తీసుకున్నాయి. ప‌లువురిని తీవ్రంగా గాయ‌ప‌రిచాయి. ఎక్క‌డో కాదు అగ్ర‌దేశం అమెరికాలో. లాస్ ఏంజిలిస్‌కు సుమారు 25 కిలోమీట‌ర్ల దూరంలో ఉన్న తీర ప్రాంత న‌గ‌రం టొర్రాన్స్‌లో ఈ ఘ‌ట‌న చోటు చేసుకుంది. స్థానిక కాల‌మానం ప్ర‌కారం మ‌ధ్యాహ్నం 12:20 నిమిషాల‌కు గ్యాబ‌ల్ హౌస్ బౌల్‌లో గుర్తు తెలియ‌ని వ్య‌క్తి ఈ కాల్పులకు తెగ‌బ‌డ్డాడు. ఈ కాల్పుల్లో ముగ్గురు సంఘ‌ట‌నాస్థ‌లంలోనే మ‌ర‌ణించారు. మ‌రో అయిదుమంది గాయ‌ప‌డ్డారు. వారిని ఆసుప‌త్రికి త‌ర‌లించారు. స‌మాచారం అందుకున్న వెంట‌నే టొర్ర‌న్స్ పోలీసులు సంఘ‌ట‌నాస్థ‌లానికి చేరుకున్నారు. స‌హాయ‌క చ‌ర్య‌లు చేప‌ట్టారు. కాల్పులకు తెగ‌బ‌డ్డ ఆగంత‌కుడిని అరెస్ట్ చేశారా? లేదా? అనేది తెలియ‌రాలేదు.
అక్క‌డ మ‌ళ్లీ పేట్రేగిన గ‌న్ క‌ల్చ‌ర్‌..
