ప్రభాస్ చేసిన పనికి నానికి పెద్ద కష్టమొచ్చింది?
పెద్ద హీరోల సినిమాల రిలీజ్ డేట్స్ ని చూసుకుని మిగతావాళ్లు తమ డేట్స్ ఫిక్స్ చేసుకుంటారు. ఎందుకంటే పెద్ద సినిమాల రిలీజ్ కోసం థియోటర్స్ ఓ నెలదాకా బుక్ చేసేస్తారు. మాగ్జిమం ఫస్ట్ వీక్ లో అన్ని థియోటర్స్ బుక్ చేసేస్తారు. దాంతో మిగతా సినిమాలకు పెద్ద సమస్య. అంతేకాదు అప్పటివరకూ మంచి కలెక్షన్స్ తో ఆడుతున్న సినిమాలను లేపేస్తారు. అలాగని పెద్ద సినిమా రిలీజ్ రోజే విడుదల చేస్తే ఇంకా దారుణం. అసలు చిన్న సినిమా గురించి మాట్లాడేవాడే ఉండడు. ఇప్పుడు నానికి ప్రభాస్ సినిమాతో అదే సమస్య వచ్చి పడింది.
వివరాల్లోకి వెళితే..నేచురల్ స్టార్ నాని హీరోగా తెరకెక్కుతున్న తాజా చిత్రం గ్యాంగ్ లీడర్‌. విభిన్న చిత్రాల దర్శకుడు విక్రమ్‌ కె కుమార్ దర్శకత్వంలో తెరకెక్కుతున్న ఈ సినిమాను మైత్రీ మూవీ మేకర్స్‌ సంస్థ నిర్మిస్తోంది. ఇటీవల ప్రమోషన్‌ కార్యక్రమాలు ప్రారంభించిన చిత్రయూనిట్‌ సినిమాను ఆగస్టు 30 రిలీజ్ చేస్తున్నట్టుగా ప్రకటించారు.
అయితే ఊహించనివిధంగా గ్యాంగ్ లీడర్‌కు సాహో సైడ్ నుంచి పెద్ద కష్టం వచ్చి పడింది. ప్రభాస్ హీరోగా తెరకెక్కుతున్న సాహో సినిమా వాయిదా పడనుందన్న ట్రేడ్ లో వినిపిస్తోంది. ముందుగా అనుకున్నట్టుగా ఆగస్టు 15న కాకుండా ఆగస్టు 30కి రిలీజ్ కానుందన్న ప్రచారం జరుగుతోంది. ఒకవేళ అదే నిజమైతే గ్యాంగ్ లీడర్‌ రిలీజ్ కు ఖచ్చితంగా ఇబ్బందులు ఎదురయ్యే అవకాశం ఉంది. దీంతో గ్యాంగ్ లీడర్‌ కూడా వాయిదా పడే అవకాశం ఉందని తెలుస్తోంది.