యంగ్ రెబల్ స్టార్ ప్రభాస్ హీరోగా చేస్తున్న ప్రస్తుత చిత్రాల్లో షూటింగ్ కూడా కంప్లీట్ చేసుకొని రిలీజ్ డేట్ సిద్ధం చేసుకున్న చిత్రం “ఆదిపురుష్” కూడా ఒకటి. ఒకవేళ ఈ ఏడాదిలో కానీ బాలీవుడ్ సినిమాలు అన్నీ రాణించకపోతే ఇక వచ్చే ఏడాది బాలీవుడ్ లో కొత్త ఊపు ప్రభాస్ ఈ సినిమా తోనే తీసుకొస్తాడని ఇండస్ట్రీ వర్గాల వారు చెబుతున్నారు.
మరి ఆ లెవెల్ అంచనాలు ఉన్న ఈ చిత్రాన్ని దర్శకుడు ఓంరౌత్ తెరకెక్కించగా ఈ సినిమాకి ఇప్పుడు మాసివ్ థియేట్రికల్ బిజినెస్ జరుగుతున్నట్టుగా వార్తలు వినిపిస్తున్నాయి. మరి లేటెస్ట్ గా అయితే తెలుగు రాష్ట్రాలకి సంబంధించి తెలుగు మరియు హిందీ బిజినెస్ ని రికార్డు స్థాయిలో 100 కోట్లకి డీల్ లాక్ చేసుకున్నారని తెలుస్తుంది.
మరి ఈ సినిమా హక్కులు కూడా సొంతం చేసుకుంది మరెవరో కూడా కాదట ప్రభాస్ ఫ్రెండ్స్ భారీ సినిమాల నిర్మాణ సంస్థ యూవీ క్రియేషన్స్ వారు అట. మొత్తానికి అయితే తెలుగు రాష్ట్రాల్లో 100 కోట్ల షేర్ ని ఈ సినిమా రాబడితే సేఫ్ అవుతుందని చెప్పాలి.
ఇక ఈ చిత్రాన్ని దర్శకుడు ఓంరౌత్ రామాయణం ఆధారంగా తెరకెక్కించగా జానకి దేవి పాత్రలో కృతి సనన్ హీరోయిన్ గా నటించింది. అలాగే వచ్చే ఏడాది జనవరి 12న ఈ సినిమా ఇంగ్లీష్ లో కూడా విడుదల కాబోతుంది.