బాలీవుడ్‌ యంగ్ హీరో ఆయుష్మాన్‌ ఖురానా కెరీర్ మంచి ఊపు మీద ఉంది. వరసగా అంధాధున్‌, బదాయి హో సినిమాల సక్సెస్‌లతో మంచి ఫాంలో ఉన్నాడు. దాంతో తాజాగా మరో డిఫరెంట్ సినిమాతో ప్రేక్షకుల ముందుకు రావటానికి సన్నాహాలు చేసుకుంటున్నాడు. డ్రీమ్‌ గర్ల్‌ పేరుతో తెరకెక్కనున్న సినిమాలో ఆయుష్మాన్‌ టైటిల్ రోల్‌లో కనిపించనున్నాడు.
టైటిల్ , పోస్టర్ ని బట్టి ఈ యంగ్ హీరో మరోసారి డిఫరెంట్ కాన్సెప్ట్‌తో ప్రేక్షకుల ముందుకు రానున్నాడని అర్దమవుతోంది. రాజ్‌ శాండిల్య దర్శకత్వంలో ఏక్తాకపూర్ నిర్మిస్తున్న ఈ సినిమా ఫస్ట్‌లుక్‌ను రిలీజ్ చేశారు.
టీషర్ట్‌, చీర, చేతికి గాజులతో ఆయుష్మాన్‌ లుక్ విభిన్నంగా ఉంది. నుస్రత్ బారుచా హీరోయిన్‌గా నటిస్తున్న ఈ సినిమా షూటింగ్ త్వరలో ప్రారంభం కానుంది. ఈ పోస్టర్ తో సినిమాలో కథేంటి అన్నది ఆసక్తికరంగా మారింది. ఏక్తాకపూర్ నిర్మాణం అంటే ఏదో స్పెషాలిటీ ఉంటుందని అంచనా వేస్తున్నారు. చూడాలి మరి ఈ సినిమాలో ఏం చూపించనున్నారో.