తెలంగాణలో ఏర్పడిన మహాకూటమిలో సీట్ల పంపకాలు కొలిక్కి వచ్చినట్టు తెలుస్తోంది. కాంగ్రెస్, టిడిపి, సిపిఐ, టిజెఎస్ లు కలిసి మహాకూటమిగా జతకట్టాయి. 95 స్థానాల్లో పోటి చేస్తామని కాంగ్రెస్ ప్రకటించింది. 119 అసెంబ్లీ స్థానాల్లో కాంగ్రెస్ 95 స్థానాల్లో పోటి చేస్తుండటంతో 24 స్థానాల్లో మిగిలిన పార్టీలు `పోటి చేయాల్పి ఉంది.
సీట్ల పంపకాలపై చాలా కసరత్తే జరిగినట్టు తెలుస్తోంది. సిపిఐ తమకు 6 స్థానాలు ఇవ్వాలని పట్టుబడుతోంది. టిడిపి 18, టిజెఎస్ 15 స్థానాలు కావాలని పట్టుబట్టడంతో కూటమి చర్చలు ఇంతకాలం సాగాయి. శనివారం హైదరాబాద్ శివార్లలో సమావేశమైన కూటమి నేతలంతా సీట్ల పంపకాలపై చర్చించారు. ఎవరెవరికి ఏఏ స్థానాలో కూడా తేల్చేసినట్టు తెలుస్తోంది. టిడిపికి 14, టిజెఎస్ కు 6, సిపిఐకి 4 స్థానాలు ఇవ్వాలని నిర్ణయించారు. అయిష్టంగానే మిగిలిన పార్టీలు దీనికి ఒప్పుకున్నాయని నవంబర్ 8 న 119 స్థానాలకు ఒకే సారి అభ్యర్దులను ప్రకటించాలని నేతలు నిర్ణయించారు.
కూటమిలో మిగిలిన పార్టీలు పోటి చేయబోయే స్థానాలివే…