KCR Offers RS To Prakash Raj : తెలంగాణ రాష్ట్ర సమితి అధినేత, తెలంగాణ ముఖ్యమంత్రి కల్వకుంట్ల చంద్రశేఖర్ రావు, సినీ నటుడు ప్రకాష్ రాజ్కి రాజ్యసభ టిక్కెట్ ఆఫర్ చేశారట. ప్రకాష్ రాజ్ కూడా ఇందుకు సుముఖంగానే వున్నట్లు తెలుస్తోంది. తెలంగాణ రాష్ట్ర సమితిలో చేరకపోయినా, కేసీయార్ గత కొంతకాలంగా తెలంగాణ రాష్ట్ర సమితికి దగ్గరగా వున్నారు.
కేసీయార్ మీద రాజకీయ విమర్శలు చేసేవారికి ప్రకాష్ రాజ్ తనదైన స్టయిల్లో కౌంటర్ ఎటాక్ ఇస్తుంటారు. గతంలో పవన్ కళ్యాణ్ మీద కూడా ఇదే తరహాలో ప్రకాష్ రాజ్ రాజకీయ విమర్శలు చేసిన సంగతి తెలిసిందే. అసలు ప్రకాష్ రాజ్కి రాజ్యసభ టిక్కెట్ ఆఫర్ చేసేంత రాజకీయ అవసరం కేసీయార్కి ఎందుకొచ్చింది.? అన్నదే మిలియన్ డాలర్ల ప్రశ్న.
జాతీయ రాజకీయాల్లో చక్రం తిప్పాలనుకుంటున్న కేసీయార్, అత్యంత వ్యూహాత్మకంగా వ్యవహరిస్తున్నారు. ఈ నేపథ్యంలోనే ఆయన, ప్రకాష్ రాజ్కి రాజ్యసభ సీటు ఆఫర్ చేయడం ద్వారా కన్నడిగుల మనసుల్ని దోచెయ్యాలనుకుంటున్నారట.
ప్రకాష్ రాజ్ కేవలం తెలుగు నటుడే కాదు, కన్నడ అలాగే తమిళ, హిందీ సినీ పరిశ్రమల్లో తనదైన గుర్తింపు తెచ్చుకున్నాడు. అయితే, ‘మా’ ఎన్నికల్లో గెలవలేకపోయిన ప్రకాష్ రాజ్, రాజకీయాల్లో రాణిస్తారా.? అన్నదీ ఆలోచించాల్సిన విషయమే.
గతంలో.. లోక్సభకు పోటీ చేసి ప్రకాష్ రాజ్ ఓడిపోయిన సంగతి తెలిసిందే. అయినాగానీ, ప్రకాష్ రాజ్ తనదైన స్టయిల్లో ఓటర్లను ప్రభావితం చేయగల ప్రముఖుడన్న అభిప్రాయం చాలామందిలో వుంది.