Pawan Kalyan: ఏపీ మాజీ ముఖ్యమంత్రి వైయస్ జగన్మోహన్ రెడ్డి ఐదు సంవత్సరాల పరిపాలనపై ప్రస్తుత ఏపీ డిప్యూటీ సీఎం పవన్ కళ్యాణ్ ప్రశంశల వర్షం కురిపించారు. ఈ సందర్భంగా పవన్ కళ్యాణ్ జగన్ గురించి మాట్లాడుతూ.. జగన్మోహన్ రెడ్డి ముఖ్యమంత్రిగా ఉన్న సమయంలో అత్యవసర సేవలను అందజేసే 108, 104 వాహనాలను భారీ స్థాయిలో ఏర్పాటు చేసిన సంగతి మనకు తెలిసిందే. ఈ విషయం గురించి గతంలో పవన్ కళ్యాణ్ మాట్లాడుతూ జగన్ గురించి ప్రశంసల కురిపించగా ప్రస్తుతం ఈ కామెంట్స్ వైరల్ అవుతున్నాయి.
ఈ విషయం గురించి పవన్ కళ్యాణ్ మాట్లాడుతూ జగన్ అత్యవసర సేవలను అందించే 108 అంబులెన్స్లను ప్రారంభించడం అభినందనీయమని తెలిపారు. ఇక కరోనా సమయంలో కరోనా టెస్టుల విషయంలో కానీ ఇతర విషయాలలో కానీ ప్రభుత్వం చేసిన పనితీరును ఈయన పొగిడారు. ప్రస్తుతం ఎందుకు సంబంధించిన పాత ట్వీట్ సోషల్ మీడియాలో వైరల్ గా మారడంతో ఈ ట్వీట్ పట్ల జనసైనికులు స్పందిస్తూ జగన్మోహన్ రెడ్డి పై విమర్శలు చేస్తున్నారు.
అద్భుతంగా పని చేసిన దాని పైన కూడా బురద చల్లడం జగన్ వంతు అని ప్రత్యర్థి అయిన మంచి చేస్తే మంచి అని గొప్పగా చెప్పడం పవన్ వ్యక్తిత్వం అంటూ పవన్ కళ్యాణ్ పై ప్రశంసల వర్షం కురిపిస్తూనే జగన్ వ్యక్తిత్వం పై బురద చల్లుతున్నారు. ఇక ఈ పోస్ట్ పై వైకాపా అభిమానులు కూడా కామెంట్లు చేస్తున్నారు ఇలా చెప్పుకుంటూ పోతే జగన్ ప్రభుత్వ హయాంలో ఎన్నో గొప్ప పనులు జరిగాయి అంటూ కామెంట్లు చేస్తున్నారు. ముఖ్యంగా వైద్య విద్య రంగంలో ఎన్నో మార్పులు తీసుకువచ్చారని నాడు నేడు కింద పిల్లలకు కావలసిన నాణ్యమైన విద్య పేదలకు కావలసిన వైద్యాన్ని అందుబాటులోకి తీసుకువచ్చారు అంటూ వైకాపా కార్యకర్తలు కూడా ఈ ట్వీట్ పై పోస్టులు చేస్తున్నారు.