చిరంజీవి, పవన్ కళ్యాణ్ అన్నాదమ్ములు అనే సంగతి తెలిసిందే. అయితే చాలా విషయాలకు సంబంధించి వీళ్లిద్దరి మధ్య బేధాభిప్రాయాలు ఉన్నాయి. పవన్ కళ్యాణ్ సినిమా ఇండస్ట్రీలోకి రావడానికి సినిమాల్లో సక్సెస్ సాధించడానికి ఒక విధంగా చిరంజీవే కారణమని చెప్పవచ్చు. చిరంజీవి స్టార్ డైరెక్టర్లను ఒప్పించి పవన్ కళ్యాణ్ తో సినిమాలు తీసేలా చేయడంతో పవన్ కళ్యాణ్ ఖాతాలో భారీ సక్సెస్ లు చేరాయి.
అయితే పవన్ కళ్యాణ్ చేస్తున్న కొన్ని పనుల వల్ల మెగాస్టార్ చిరంజీవి పరువు పోతోందని కామెంట్లు వ్యక్తమవుతున్నాయి. వాస్తవానికి జగన్ సర్కార్ టికెట్ రేట్లను తగ్గించిన సమయంలో చిరంజీవి సమస్యల పరిష్కారం కోసం కృషి చేశారు. చిరంజీవి జగన్ ను కలవడానికి అపాయింట్మెంట్ కోరి టికెట్ రేట్లు మళ్లీ పెరిగేలా జాగ్రత్తలు తీసుకున్నారు. భారీ బడ్జెట్ సినిమాలకు అదనపు టికెట్ రేట్లు అమలులోకి వచ్చేలా చేయడంలో జగన్ తో చిరంజీవి సమావేశం ఉపయోగపడింది.
చిరంజీవి దండం పెడితే మాత్రమే టికెట్ రేట్లను పెంచుతానని జగన్ చెప్పలేదు. జగన్ చిరంజీవిని గౌరవించారే తప్ప ఆయనను అవమానించే విధంగా ఎక్కడా ప్రవర్తించలేదు. తనను నిజంగా అవమానించి ఉంటే చిరంజీవి ఈ విషయాన్ని వెల్లడిస్తే బాగుంటుంది తప్ప పవన్ కళ్యాణ్ వెల్లడించడం సరికాదని చెప్పవచ్చు. చిరంజీవి స్థాయిని తగ్గించేలా పవన్ కామెంట్లు చేస్తున్నారని మరి కొందరు చెబుతున్నారు.
రాజకీయాలకు సంబంధించి జోక్యం చేసుకోవడానికి చిరంజీవి అస్సలు ఆసక్తి చూపడం లేదనే సంగతి తెలిసిందే. పవన్ తన రాజకీయాల కోసం చిరంజీవి పేరును ప్రస్తావించడం కరెక్ట్ కాదని కామెంట్లు వ్యక్తమవుతున్నాయి. పవన్ కళ్యాణ్ ఈ విషయంలో మారాల్సిన అవసరం అయితే ఉందని రాజకీయ విశ్లేషకులు అభిప్రాయపడుతున్నారు. మరోవైపు సినిమాసినిమాకు చిరంజీవి రేంజ్ పెరుగుతున్న సంగతి తెలిసిందే.