Minister Nimmala: ఆంధ్రప్రదేశ్ జలవనరుల శాఖ మంత్రి నిమ్మల రామానాయుడు గురువారం ముఖ్యమంత్రి చంద్రబాబు నాయుడును కలిశారు. ఉండవల్లిలోని ముఖ్యమంత్రి క్యాంపు కార్యాలయంలో కుటుంబ సమేతంగా చంద్రబాబును కలిసిన ఆయన, తన కుమార్తె వివాహానికి హాజరు కావాలని ఆహ్వానించారు.
ఈ సందర్భంగా మంత్రి నిమ్మల తన కుమార్తె శ్రీజ వివాహ ఆహ్వాన పత్రికను సీఎంకు అందజేశారు. ఈనెల 24న పశ్చిమ గోదావరి జిల్లా, పాలకొల్లులో ఈ వివాహం జరగనున్నట్లు ముఖ్యమంత్రికి తెలిపారు.
కుటుంబ సభ్యులతో వచ్చి వ్యక్తిగతంగా ఆహ్వానించినందుకు ముఖ్యమంత్రి చంద్రబాబు, మంత్రి నిమ్మల రామానాయుడుకు శుభాకాంక్షలు తెలియజేశారు. ఈ సమావేశంలో మంత్రి కుటుంబ సభ్యులు కూడా పాల్గొన్నారు.
