ముఖ్యమంత్రి చంద్రబాబు నాయుడు అస్తంతా కలసి కేవలం 2 కోట్ల 99 లక్షల 66 వేలు మాత్రమే. బహుశా దేశంలో పేద ముఖ్యమంత్రి ఎవరైనా ఉంటే అది చంద్రబాబు నాయుడే. ఆయనకు ఉన్నది ఒక పాత అంబాసిడర్ కారు మాత్రమే. అది 1993-94 మోడల్ . దాని విలువ ఒకటిన్నర లక్ష. చంద్ర బాబునాయుడు కుటుంబ ఆస్తుల వివరాలను ఈరోజు కుమారుడు, ఐటి మంత్రి నాారాలోకేష్ విడుదల చేశారు.
దేశంలోని సీనియర్ మోస్టు ముఖ్యమంత్రులలో ఒకరైన చంద్ర బాబు… అంతే పేదవాడు. ఆయనకంటే తెలంగాణ ముఖ్యమంత్రి చాలా మేలు. కెసియార్ ఆస్తి 22 కోట్లు. గత నాలుగేళ్లలో ఇది ఏడుకోట్లు పెరిగి అంతయింది.
ఆంధ్రా ముఖ్యమంత్రి కంటే మనవడు నారా దేవాన్ష్ చాలా సంపన్నుడు. ముఖ్యమంత్రి చంద్రబాబు కంటే ఆయన బాగా అస్తి పాస్తులున్నవాడు. అయిదేళ్లు నిండకుండానే ఆయన ఆస్తుల విలువ 18కోట్ల 71 లక్షల 68 వేలకు చేరుకుంది. తాత ఆస్తి కంటే ఇదిచాలా చాలా ఎక్కువ.
దేవాన్ష్ మార్చి21, 2015జన్మించాడు. అయితే, ఆయనకు హైదరాబాద్ జూబ్లీ హిల్స్ రోడ్ నెంబర్ 65 లో రు. 16 కోట్ల విలువ విలువచేసే స్థలం ఉంది. ఇంకా బ్యాంక్ బ్యాలన్స్ లు, ఫిక్స్ డ్ డిపాజిట్లు ఉన్నాయి.
క్లుప్తంగా నారా వారి ఆస్తుల వివరాలు
#వరుసగా ఎనిమిదో సారీ కుటుంబ ఆస్తులు ప్రకటించిన ఏపీ సీఎం చంద్రబాబు నాయుడు
#చంద్రబాబు కుటుంబ సభ్యుల మొత్తం అస్తుల విలువ రు. 88.66 కోట్లు
# చంద్రబాబు ఆస్తి విలువ రు. 2.9 కోట్లు
#హైదరాబాద్ లో ఉన్న ఇంటి విలువ రు. 8 కోట్లు
#సొంత వూరు నారా వారి పల్లి లో ఇంటి విలువ రు. 23.83 లక్ష లు
#సీఎం చంద్రబాబు భార్య నారా భువనేశ్వరి ఆస్తి విలువ రు. 31.01 కోట్లు
# చంద్రబాబు కుమారుడు ఐటి మంత్రి నారా లోకేష్ అస్తి విలువ రు. 21.40 కోట్లు
# చంద్రబాబు కోడలు నారా బ్రాహ్మిణి ఆస్తి విలువరు. 7.72 కోట్లు
# చంద్రబాబు మనుమడు దేవాన్ష్ ఆస్తి విలువ రు. 18.71 కోట్లు
#హెరిటేజ్ నికర లాభం రు. 60.38 కోట్లు