Home Andhra Pradesh టిడిపి ఎంపీ సీఎం రమేష్‌కు బిగ్ షాక్

టిడిపి ఎంపీ సీఎం రమేష్‌కు బిగ్ షాక్

టిడిపి ఎంపీ సీఎం రమేష్ ఇంటి పై ఐటి అధికారులు దాడులు నిర్వహిస్తున్నారు. కడప జిల్లా ఎర్రగుంట మండలం   పోట్ల దుర్తిలోని ఇంటి పై కూడా అధికారులు దాడులు చేస్తున్నారు. హైదరాబాద్ లోని రమేష్ ఇంటి పై 10 మంది ఐటి అధికారులు దాడులు నిర్వహిస్తున్నారు. ఏక కాలంలో 25 నుంచి 30 చోట్ల 100 మంది  ఐటి అధికారులు దాడులు నిర్వహిస్తున్నారు. ప్రస్తుతం సీఎం రమేష్ ఢిల్లీలో ఉన్నారు.  ఆయన చూపించిన ఆదాయానికి, లెక్కలకు పొంతన లేకపోవడంతో ఐటీ అధికారులు సోదాలు చేపట్టినట్టు తెలుస్తోంది. ఆస్తుల పత్రాలు, ఇతర డాక్యుమెంట్లను అధికారులు తనిఖీ చేస్తున్నారు.

ఈరోజు ఉదయం 8 గంటల సమయంలో పోట్లదుర్తిలోని సీఎం రమేశ్‌ నివాసానికి 15 మంది ఐటీ అధికారులు చేరుకున్నారు. ఆ సమయంలో రమేశ్‌ సోదరుడు సీఎం సురేశ్‌ మాత్రమే ఇంట్లో ఉన్నారు. అధికారులు ఆయన్ని బయటకు పంపించివేసి ఇంటి తలుపులు మూసివేశారు. ప్రస్తుతం ఐటీ అధికారులు అన్ని గదుల్లోనూ తనిఖీలు చేపడుతూ పలు దస్త్రాలను పరిశీలిస్తున్నట్లు సమాచారం. మరోవైపు జూబ్లీహిల్స్‌లోని సీఎం రమేశ్‌ నివాసంతో పాటు ఆయనకు చెందిన రుత్విక్‌ అనే సంస్థ కార్యాలయాల్లో ఐటీ అధికారులు సోదాలు చేస్తున్నారు. 

తన ఆస్తులపై జరుగుతున్న దాడులపై సీఎం రమేష్ స్పందించారు. కడప ఉక్కు ఫ్యాక్టరీపై నిలదీస్తున్నందుకే ఐటి దాడులు చేస్తున్నారని మండి పడ్డారు. ఏపీలో పెట్టుబడులు పెట్టకుండా చేయాలని కేంద్రం కుట్రలు చేస్తుందన్నారు. ఎన్నికల ముందు కేంద్రం భయానక వాతావరణం  తేవాలనుకుంటున్నా తమను ఏం చేయలేదన్నారు. కేంద్రానికి భయపడేది లేదన్నారు. తాము నిత్యం ట్యాక్స్ లు కడుతున్నామని రమేష్ తెలిపారు.

టిడిపి నేత బీద మస్తాన్ రావు ఇంటి పై దాడులు జరిగిన కొద్ది రోజులకే సీఎం రమేష్ ఇంటి పై దాడులు జరుగుతున్నాయి. దీని పట్ల టిడిపి కార్యకర్తలు మండి పడుతున్నారు. కేంద్రం నుంచి వైదొలిగాక టిడిపిని కేంద్రం టార్గెట్ చేస్తుందని నాయకులను, కార్యకర్తలను వేధించేందుకు అవకాశం ఉందని గతంలోనే చంద్రబాబు పేర్కొన్నారు. ఈ నేపథ్యంలో ఐటి దాడులు కక్ష్య పూరితంగా జరుగుతున్నాయనేందుకు ఇదే నిదర్శనం అని పలువురు నేతలంటున్నారు.

- Advertisement -

Related Posts

రాజకీయాల్లో రామ్మోహన్ రాజకీయం డిఫరెంట్, జగన్ కూడా కంగారుపడేలా

గత ఎన్నికల్లో టీడీపీ తరపున గెలుపొందింది ముగ్గురే ముగ్గురు ఎంపీలు.  వారిలో యువకుడు కింజారపురామ్మోహన్ నాయుడు.  ఎర్రన్నాయుడు వారసుడిగా రాజకీయాల్లోకి వచ్చిన రామ్మోహన్ నాయుడు సీనియర్లకు మించి పోరాటం చేస్తున్నారు.  యువకుడు కావడం,...

తప్పదు వెళ్ళాల్సిందే, ఏపీకి గుడ్ న్యూస్ కోసం ఢిల్లీ ఫ్లయిట్ ఎక్కిన వైఎస్ జగన్ 

ఏపీ ముఖ్యమంత్రి వైఎస్ జగన్ త్వరలో ఢిల్లీ పర్యటనకు వెళ్లే అవకాశాలున్నాయనే వార్తలు రాజకీయవర్గాలలో జోరుగా వినపడుతున్నాయి.  ప్రస్తుత రాష్ట్రం ఆర్థిక ఇబ్బందుల్లో ఉందని ప్రత్యేకంగా చెప్పాల్సిన పని లేదు.  లోటు బడ్జెట్, రెవేయు లోటు ఉన్నాసరే ముఖ్యమంత్రి...

జగన్‌కి ఎక్కడ దొరకాలో అక్కడ దొరికిన రాధాకృష్ణ.. అరెస్ట్ చేయించే వరకూ నిద్రపోడు? 

ఎల్లో మీడియా జోరు ఇంకా తగ్గలేదు.  ఆర్కే జగన్ మీద ఇంకా విషం చిమ్ముతూనే ఉన్నాడు.  ఎప్పుడు అవకాశం దొరుకుతుందా ఎప్పుడు జగన్ మీద తప్పుడు రాతలు రాద్దామా అనే ధోరణిలోనే ఉన్నాడు.  జగన్ ఏం చేసినా, ఏం...

భక్తితో ఇచ్చిన కానుకను తిరస్కరించారని ప్రభుత్వం మీద అశోక్ గజపతి రాజు ఫైర్

ఆంధ్రప్రదేశ్: విజయనగరం జిల్లాలో గజపతి రాజులు గురించి, చెప్పాల్సిన పని లేదు. ఆ కుటుంబం త్యాగాల ముందు, ఇందిరా గాంధీ లాంటి నేత కూడా గౌరవంగా తల వంచి నమస్కారం పెట్టారంటే, ఆ...

Latest News