ఆంధ్రప్రదేశ్‌లో కూటమి ప్రభుత్వాన్ని నడిపిస్తున్న టీడీపీ అధినేత చంద్రబాబు తాజాగా ఇంచార్జ్ మంత్రుల పనితీరుపై అసంతృప్తిని వ్యక్తం చేశారు. ముఖ్యంగా జిల్లాల వారీగా మంత్రుల దౌత్యం, సమన్వయ కష్టాలు, నాయకత్వ లోపాలపై ఆయన ఆందోళన వ్యక్తం చేశారు. ఇటీవల కృష్ణా, శ్రీకాకుళం, విజయనగరం, కడప జిల్లాలకు చెందిన ఇంచార్జ్ మంత్రులపై చంద్రబాబు ప్రత్యేక సమీక్ష నిర్వహించారు. అందులో చాలామంది మంత్రులు ఒక్కసారైనా తాము బాధ్యత వహిస్తున్న జిల్లాలకు వెళ్లకపోవడం ఆయనను ఆగ్రహానికి గురిచేసింది.
ఇందులో ముఖ్యంగా కృష్ణా జిల్లా ఇంచార్జ్ మంత్రి వాసంశెట్టి సుభాష్‌ను చంద్రబాబు బహిరంగంగా ప్రశ్నించారు. ఇసుక, మట్టి, మద్యం అక్రమ రవాణాలపై ప్రజల్లో తిరుగుబాటు వాతావరణం నెలకొంటుండగా, స్థానిక నాయకులతో చర్చించకుండా ఎలా ఉంటారని ఆయన ఆవేదన వ్యక్తం చేశారు. జిల్లాల్లో మంత్రుల చొరవ లేకపోవడం వల్లే ప్రజల్లో తిరోగమన భావనలు ఉద్భవిస్తున్నాయని వ్యాఖ్యానించారు.
విజయనగరం జిల్లా విషయంలోనూ చంద్రబాబు అదే స్థాయిలో అసంతృప్తిని తెలిపారు. ఇంచార్జ్ మంత్రిగా ఉన్న వంగలపూడి అనిత ఇప్పటిదాకా ఒకే ఒక్కసారి జిల్లా పర్యటనకు వెళ్లినట్టు సమాచారం. అది కూడా స్థానికంగా అందుబాటులో ఉన్న టీడీపీ నేతలతో పరిమితమైన సమావేశం నిర్వహించినందుకు ఆమె పనితీరు ప్రశ్నార్ధకమైందని చంద్రబాబు అభిప్రాయపడ్డారు. జిల్లాల్లో విపక్ష ప్రచారానికి తగిన కౌంటర్ ఉండాలని, అధికారంపై పట్టుదల చూపాల్సిన అవసరం ఉందని స్పష్టంగా తెలియజేశారు.
ఈ నేపథ్యంలో ఇకపై ప్రతి ఇంచార్జ్ మంత్రి తమ నియమిత జిల్లాలో కార్యకలాపాలు వేగవంతం చేయాలని, నెలకు కనీసం రెండు సార్లు పర్యటించి, కార్యాచరణపై పూర్తి సమాచారం ఇవ్వాలని చంద్రబాబు ఆదేశించారు. అలాగే, అన్ని జిల్లాల మంత్రులపై ప్రత్యేక పర్యవేక్షణ వ్యవస్థ ఏర్పాటు చేయనున్నట్టు తెలిసింది. ఇకపై వ్యవస్థలో నిర్లక్ష్యం కనిపిస్తే, నేరుగా చర్యలు తీసుకోనున్నట్టు పార్టీ వర్గాలు వెల్లడిస్తున్నాయి.
