Home Tollywood శిలువ విషయమై...మాధవన్‌ ఇలాంటి రిప్లై ఇస్తారని ఊహించం

శిలువ విషయమై…మాధవన్‌ ఇలాంటి రిప్లై ఇస్తారని ఊహించం

శిలువ వివాద విషయమై…మాధవన్‌ సమాధానం ఇదీ

సోషల్ మీడియాలో సెలబ్రెటీలను విమర్శించటమే కొందరు పనిగా పెట్టుకున్నారు. వాళ్లను డీగ్రేడ్ చేయటం ద్వారా ఆనందం అనుభవిస్తూంటారు. అయితే చాలా మంది వాటిని లైట్ తీసుకుంటారు. అయితే మాధవన్ లాంటి మాత్రం సీరియస్ గానే కౌంటర్ ఇస్తారు. తాజాగా సోషల్ మీడియా నుంచి ప్రముఖ నటుడు మాధవన్‌కు చేదు అనుభవం ఎదురైంది. అయితే మాధవన్‌ చక్కటి రిప్లై ఇచ్చి, అందరి చేతా శభాష్ అనిపించుకున్నారు.

వివరాల్లోకి వెళితే.. మాధవన్‌ తన ఇన్‌స్టాలో రాఖీ పండగ సందర్భంగా దిగిన ఓ ఫొటోను షేర్‌ చేశారు. అందులో మాధవన్‌ తండ్రితో పాటు, కుమారుడు కూడా ఉన్నారు. అయితే ఆ ఫొటోకు సంబంధించి ఓ నెటిజన్‌ అభ్యంతరం వ్యక్తం చేశారు. ఈ మేరకు ట్విటర్‌లో మాధవన్‌పై విమర్శలు గుప్పించారు. ఆవిమర్శలపైన స్పందించిన మాధవన్‌ నెటిజన్‌కు గట్టి కౌంటర్‌ ఇచ్చారు. ఆమె ఆలోచన విధానం ఎంతో తప్పో చిన్న ఊదాహరణ ద్వారా వివరించారు. అలాగే తన మనసులోని భావాలను నిర్భయంగా వ్యక్తికరించి సదురు నెటిజన్‌ చెంప చెళ్లుమనిపించేలా చేశాడు.

వివరాల్లోకి వెళితే.. మాధవన్‌ షేర్‌ చేసిన ఫొటోలో అతని వెనకభాగంలో శిలువ ఉండటాన్ని గుర్తించి.. ఓ నెటిజన్‌ అతనిపై తీవ్ర స్థాయిలో విమర్శలు గుప్పించారు. ‘శిలువ అక్కడ ఎందుకుంది?.. అది పూజ గదేనా? మీపై నాకున్న గౌరవాన్ని పోగొట్టుకున్నారు. చర్చిల్లో ఎప్పుడైనా హిందు దేవుళ్ల ఫొటోలు చూశారా?. మీరు ఈ రోజు ఏదైతే చేశారో అదంతా ఫేక్‌’ అని సదరు నెటిజన్‌ పేర్కొన్నారు. అయితే ఈ వ్యాఖ్యలపై మాధవన్‌ తీవ్రస్థాయిలో మండిపడ్డారు. తాను ప్రతి మతాన్ని గౌరవిస్తానని తెలిపారు. నేను ఏ మతంలోనైనా శాంతిని చూస్తానని అన్నారు.

‘మీలాంటి వారి నుంచి గౌరవం కోల్పోయినందుకు నాకు ఎలాంటి బాధ లేదు. మీరు త్వరగా కోలుకుంటారని ఆశిస్తున్నాను. అనారోగ్యంతో ఉన్న మీరు అక్కడే ఉన్న గోల్డెన్‌ టెంపుల్‌ ఫొటోను గుర్తించకపోవడం చూసి ఆశ్చర్యమేసింది. గోల్డెన్‌ టెంపుల్‌ ఫొటో ఉంది కాబట్టి నేను సిక్కిజమ్‌ను స్వీకరించినట్టేనా?. నేను దర్గాలను, అలాగే ప్రపంచంలోని చాలా ఆధ్యాత్మిక ప్రదేశాలను సందర్శించాను. ఆయా సందర్భాల్లో కొన్ని వస్తువులు బహుమతిగా వచ్చినవి. మరికొన్ని కొని తెచ్చుకున్నవి. మా ఇంట్లో అన్ని విశ్వాసాలను గౌరవిస్తారు. అన్ని మతాల వారికి మా ఇంట్లోకి ప్రవేశం ఉంది.

నేను నా చిన్నతనం నుంచి గర్వంగా బతకడంతో పాటు ప్రతి ఒక్కరికి, మతానికి, నమ్మకానికి గౌరవం ఇవ్వడం నేర్చుకున్నాను. ప్రతి మతం నాకు చెందిందిగానే భావిస్తాను. నా కుమారుడు కూడా అలాగే భావిస్తాడని నమ్ముతాను. నాకు సమీపంలో వెళ్లడానికి దేవాలయం లేనప్పుడూ.. దర్గాకు కానీ, గురుద్వార్‌, చర్చికి వెళ్లడం అదృష్టంగా భావిస్తాను. నేను ఒక హిందూ అని తెలిసి అక్కడి వారు కూడా నన్ను గౌరవిస్తార’ని పేర్కొన్నారు. దాంతో మాధవన్‌ సదరు నెటిజన్‌కు ఇచ్చిన సమాధానంపై పలువురు ప్రశంసల వర్షం కురిపిస్తున్నారు.

- Advertisement -

Related Posts

కనిపించేంత సులువు కాదట.. ప్రాక్టీస్ సెషన్‌లొ ఆండ్రియా

సినిమాలోని పాత్రల కోసం కొంత మంది విపరీతంగా కష్టపడుతుంటారు. అలా పాత్రల కోసంప్రాణం పెట్టేవారికి మంచి క్యారెక్టర్స్ పడుతుంటాయి. హీరోయిన్లు గ్లామర్ పాత్రలకే పరిమితమైతే నటించేందుకు స్కోప్ ఉండే పాత్రలు అంతగా రావు....

అమ్మ బాబోయ్ త్రివిక్రమ్‌తో భారీ స్కెచ్ వేశారే.. పాపం మధ్యలో ఆ డైరెక్టర్ బక్రానా?

రీమేక్ సినిమాలను తెరకెక్కించడం అంత చిన్న విషయమేమీ కాదు. మన ప్రాంతం, పద్దతులు, జీవిన విధానం ఇలా అన్నింటికి సరిపడా మార్పులు చేర్పులు చేసుకోవాలి. కథలో మార్పులు చేసుకోవాలి. ముఖ్యంగా ఇక్కడి జనాలను...

ఇది మామూలు క్రేజ్ కాదు.. అభిజిత్‌కు రోహిత్ శర్మ గిఫ్ట్

అభిజిత్‌కు ప్రస్తుతం ఎంతటి ఫాలోయింగ్ ఉందో అందరికీ తెలిసిందే. అతని మెచ్యూరిటీ, స్టార్ట్ నెస్, కూల్ నెస్, మాట్లాడే విధానం ఇలా ప్రతీ ఒక్కటి అందరినీ కట్టిపడేసింది. మామూలు జనాలనే కాకుండా.. సెలెబ్రిటీలను...

‘ఉప్పెన’ వచ్చేది ఎప్పుడంటే?

కరోనా లాక్ డౌన్ కారణంగా ఒక్కసారిగా వాయిదా పడిన సినిమాల్లో ఉప్పెన ఒకటి. మెగా హీరో వైష్ణవ్ తేజ్ మొదటి సినిమా కావడంతో ఈ సినిమాపై ఓ వర్గం ఆడియెన్స్ లో అయితే...

Latest News