సోష‌ల్ మీడియా వేదిక‌గా జ‌రిగే అభిమానుల వార్ గురించి చెప్పాల్సిన ప‌నిలేదు. అభిమానం హ‌ద్దు మీరితే ఎలాంటి ప‌రిణామాలు చోటు చేసుకుంటాయో ఇప్ప‌టికే చాలాసార్లు నిరూపిత‌మైంది. ఒక‌రిపై ఒక‌రు దుర్భాష‌లాడుకోవ‌డం….అక్క‌డితో ఆగ‌ని వివాదం బ‌య‌ట కొట్టుకోవ‌డానికి దారి తీసిన సంఘ‌ట‌నలున్నాయి. తాజాగా విక్ట‌రీ వెంక‌టేష్-త‌మిళ్ హీరో ద‌నుష్ అభిమానుల మ‌ధ్య వైరం అంత‌టా హాట్ టాపిక్ అవుతోంది. ధ‌నుష్ న‌టించిన అసుర‌న్ చిత్రాన్ని వెంక‌టేష్ నార‌ప్ప టైటిల్ తో రీమేక్ చేస్తోన్న సంగ‌తి తెలిసిందే.
ఈరోజు సినిమాకు సంబంధించిన టైటిల్…ఫ‌స్ట్ లుక్ పోస్ట‌ర్ ఆవిష్క‌ర‌ణ జ‌రిగింది. ఆ కాసేప‌టికే #UnrivalledTamil Actors VS #TeluguRealHeroes అనే హ్యాష్ ట్యాగ్ తో సోష‌ల్ మీడియాలో ట్రెండింగ్ లో నిలిచింది. దీన‌ర్ధం ఏంటంటే మా హీరో గొప్ప అంటే మా హీరో గొప్ప అని త‌గాదా ప‌డ‌టం అన్న మాట. వెంకీ లుక్ అదిరిపోయింద‌ని ఆయ‌న అభిమానులు పోస్టులు పెడుతంటే! ఆలుక్ కి మీమ్స్ జోడించి ద‌నుష్ ఫ్యాన్స్ ట్రోల్ చేస్తున్నారు.
అలా మొద‌లైన వార్ చినిగి చినిగి గాలి వాన‌గా మారిపెద్ద యుద్దానికే తెర‌లేపింది. ఈ వార్ మ‌ధ్య‌లోని హీరో సిద్దార్థ్ వేలు పెట్టాడు. ఇంట‌ర్నెట్ ని వృద్ధా చేస్తున్నార‌ని…ఈ స‌మ‌యాన్ని డేటాని దేశం కోసం ఉప‌యోగించి ఉంటే బాగుండేద‌న్నాడు. సిద్దార్థ్ కు మ‌ద్ద‌తుగా ప‌లువురు సెల‌బ్రిటీలు నిలిచారు. అయినా వార్ య‌థావిధిగా కొన‌సాగుతోంది. మ‌రి వెంకీ-ధ‌నుష్ చ‌ల్లార్చే ప్ర‌య‌త్నం ఏదైనా చేస్తారేమో చూడాలి.