రాజమౌళి డైరక్ట్ చేసిన బాహుబలి చిత్రంలో కట్టప్ప పాత్ర ఎంత పేరు తెచ్చి పెట్టిందో తెలియంది కాదు. ఆ పాత్రకు తమిళ నటుడు సత్యరాజ్ ని తీసుకుని అక్కడ మార్కెట్ ని సైతం గ్రాబ్ చేసారు. ఇప్పుడు మరో సారి అలాంటి ఫీటే రాజమౌళి చేయబోతున్నారని సమాచారం. వివరాల్లోకి వెళితే..
ఎన్టీఆర్, రామ్‌చరణ్ ఫ్యాన్స్ మాత్రమే కాక సిని లవర్స్ సైతం చాలా ఆసక్తిగా ఎదురుచూస్తున్న మల్టిస్టారర్ #RRR. డీవీవీ ఎంటర్‌టైన్‌మెంట్ బ్యానర్‌లో డీవీవీ దానయ్య నిర్మిస్తున్న ఈ సినిమా రెగ్యులర్ షూటింగ్ మొదలై నిర్విరామంగా జరుగుతోంది. రోజుకో కొత్త వార్తతో మీడియాకు మేత ఇస్తోంది. తాజాగా ఈ సినిమా గురించిన మరో వార్త తమిళ సిని వర్గాలను టార్గెట్ చేసింది.
అదేమిటంటే..ఈ సినిమాలో ప్రముఖ తమిళ నటుడు సముద్రఖని నటిస్తున్నారు. ఆయన, చరణ్ కు బాబాయ్ గా నటించనున్నారు. తమిళ సినీ పరిశ్రమలో ప్రముఖుడైన ఈ డైరెక్టర్ కమ్ యాక్టర్ ఈ చిత్రంతో తెలుగులోకి ఎంట్రీ ఇస్తున్నాడు. దాంతో ఈ సినిమా తమిళ మార్కెట్ కు మెల్లిమెల్లిగా సిద్దం చేస్తున్నారని అర్దమవుతోంది.
ఇక ఈ చిత్రాన్ని బాహుబలి తరహాలోనే తమిళ, హిందీ, తెలుగు భాషల్లోకి రిలీజ్ అయ్యేలా సిద్దం చేయనున్నారని తెలుస్తోంది. ఇక ఇంటర్నేషనల్ వెర్షన్ ఎలాగో ఉంటుంది. ఇన్ని లాంగ్వేజ్ లు అనుకున్నప్పుడు ఆర్టిస్ట్ లను కూడా నేటివిటీ కోసం ఆ భాషలకు సంభందించిన వారిని తేవటం పరిపాటి.
ఈ చిత్రం రీసెంట్ గా యాక్షన్ షెడ్యూల్ ను పూర్తి చేసుకుంది. సెకండ్ షెడ్యూల్ జనవరి 19నుండి 5 రోజులపాటు హైద్రాబాద్లో లోని రామోజీ ఫిలిం సిటీ లో వేసిన ప్రత్యేక సెట్ లో జరుగనుందని సమాచారం. దాదాపు 300 కోట్ల బడ్జెట్ తో నిర్మిస్తున్న ఈ చిత్రానికి కీరవాణి సంగీతం అందిస్తున్నారు. పిరియాడికల్ బ్యాక్ డ్రాప్ లో తెరకెక్కుతున్న ఈ చిత్రం 2020లో తెలుగు తో పాటు హిందీ , తమిళ , మలయాళ భాషల్లో విడుదలకానుంది.
ఈ చిత్రానికి కథ: విజయేంద్రప్రసాద్, మాటలు: సాయిమాధవ్‌ బుర్రా, కార్కీ, కాస్ట్యూమ్‌ డిజైనర్‌: రమా రాజమౌళి, కూర్పు: శ్రీకర్‌ ప్రసాద్, వి.ఎఫ్‌.ఎక్స్‌ సూపర్‌వైజర్‌: శ్రీనివాస్‌ మోహన్, సంగీతం: ఎం.ఎం.కీరవాణి, ప్రొడక్షన్‌ డిజైనర్‌: సాబు సిరిల్, ఛాయాగ్రహణం: కె.కె.సెంథిల్‌కుమార్, సమర్పణ: డి.పార్వతి.