ప‌వ‌ర్ స్టార్ పవన్ క‌ల్యాణ్ మేక‌ప్ లేకుండానే షూటింగుకి జాయిన్ అయ్యారా? ఆయన డే వ‌న్ షూటింగ్ మేక‌ప్ లేకుండా ఎందుకు జరిగింది? అస‌లు విశాఖ రాజ‌ధానిపై కీల‌క నిర్ణ‌యం తీసుకునే త‌రుణంలో పవన్ ఇలా షూటింగుకి వెళ్ల‌డానికి కార‌ణ‌మేంటి? ప్రస్తుతం టాలీవుడ్ లో హాట్ టాపిక్ ఇది.
పవన్ రీఎంట్రీ పింక్ రీమేక్ తోనే. నిన్నటి నుంచి షూటింగ్ మొద‌లైంది.పవన్ కళ్యాణ్ షూటింగ్ లో కూడా పాల్గొన్నారు. షూటింగ్ సెట్స్ లోని పవన్ ఫోటో ఒకటి లీక్ కావడం కూడా జరిగింది. జీన్స్, జాకెట్ ధరించి ఉన్న పవన్ సీరియస్ గా నడుచుకుంటూ వెళుతున్నట్టున్న ఆ ఫోటో ఆసక్తి కలిగించేదిగా ఉంది. ఐతే పవన్ పింక్ చిత్రం కోసం తన లుక్ మార్చలేదు. ఆయన బాగా పెరిగిన తన గడ్డాన్ని తీయలేదు, కనీసం ట్రిమ్ కూడా చేయలేదు. ప్రస్తుతం బయట ఎలా కనిపిస్తున్నారో అలానే ఆయన గెటప్ ఉంది. కేవ‌లం కాస్ట్యూమ్ మార్చారు. కాబట్టి పింక్ చిత్రం కోసం పవన్ గెటప్ ఏమి మార్చడం లేదు. కథ రీత్యా ఇది గ్లామర్ రోల్ కాకపోవడంతో ఆయన కొంచెం కూడా లుక్ మార్చినట్టు లేదు. పవన్ ని సూపర్ గ్లామర్ హ్యాండ్ సమ్ గా చూడాలని ఫ్యాన్స్ అనుకుంటే వారికి నిరాశే. వేస‌వి కానుక‌గా రిలీజ్ చేయాల‌న్న‌ది ద‌ర్శ‌క‌నిర్మాత‌ల ప్లాన్. వేణు శ్రీ‌రామ్ ద‌ర్శ‌క‌త్వంలో దిల్ రాజు – బోనీక‌పూర్ ఈ చిత్రాన్ని నిర్మిస్తున్నారు.