తొలి సినిమా అఖిల్ డిజాస్టర్, ఆ తర్వాత వచ్చిన హలో సినిమా యావరేజ్ ఫ్లాఫ్. కెరీర్ ప్రారంభంలోనే ఇలా రెండు ఎదురు దెబ్బలు ఎంత పాజిటివ్ థింకింగ్ ఉన్నవాళ్లనైనా దెబ్బ కొడతాయి. కానీ అఖిల్ ని ఆలోచనలో పడేసాయి. తన నుంచి ఏమి ఆశిస్తున్నారు..ఎందుకలా తను దెబ్బ తిన్నాడు అనుకుంటే..దొరికిన ఆన్సర్ మిస్టర్ మజ్ను అని చెప్పాలి.
తనను అక్కినేని వారసుడుగానే జనం చూస్తున్నారని, అందుకు తగ్గట్లు సినిమాలు లేకపోతే వాటిని తిప్పి కొట్టారని, తనకంటూ సొంత ఆడియన్స్ ని ఏర్పాటు చేసుకునేదాకా అక్కినేని అభిమానుల ఆదరణ తప్పదని అర్దం చేసుకున్నాడు. అందుకే అక్కినేని బ్రాండ్ ని మిక్స్ చేస్తూ దేవదాసు మనవడు, మన్మధుడుకి వారసుడు అంటూ అక్కినేని అందగాడినే అంటూ బరిలోకి వస్తున్నాడు.
నాగార్జున తర్వాత అఖిల్‌కి మాత్ర‌మే చెయ్యగలడు అన్నరీతిలో రొమాంటిక్ యాంగిల్ ని తెర‌పై ఆ విష్కరించే ప్రయత్నం చేసాడు వెంకీ కుడుముల. కావ్యంలో కాముడో అంత‌క‌న్నా ర‌సికుడో ఈ మిస్టర్ మజ్ను? అంటూ టీజర్ లో చిందులేశాడు.
అలాగే ఎక్స్‌క్యూజ్‌మి మిస్.. ఏమిటో ఇంగ్లీష్ భాష … ఏదైతే మిస్ చేయ‌కూడ‌దో దాన్నే మిస్ అన్నారు.. అంటూ ఓ సూపర్ డైలాగ్ చెప్పి కుర్రాళ్లకు కిక్ ఎక్కించాడు అఖిల్. థ‌మ‌న్ బీట్ కూడా సూపర్ గా ఉంది. మంచి యూత్‌ఫుల్ సినిమాని ఈ టీమ్ ఇస్తోందని కుర్రాళ్ళకు మెసేజ్ ఇచ్చేసారు. బివిఎస్ఎన్ ప్ర‌సాద్ ఈ చిత్రాన్ని నిర్మిస్తున్నారు. డిసెంబ‌ర్‌లో రిలీజ్ కి ప్లాన్ చేస్తున్నార‌ని స‌మాచారం.