సైరా న‌ర‌సింహారెడ్డి స‌క్సెస్ తో మెగా ఫ్యామిలీలో ఆనందం విర‌సిల్లింది. మెగా హీరోల్లో రెట్టించిన ఉత్సాహం క‌నిపిస్తోంది. మెగాస్టార్ చిరంజీవి 12 ఏళ్ల క‌ల తాజా విజ‌యంతో సాక‌ర‌మైంది. అయితే చిరంజీవి కోడలు ఉపాస‌న మాత్రం అంద‌రికంటే ఎక్కువ గా ఈ స‌క్సెస్‌ని ఎంజాయ్ చేస్తున్నారు. ఎప్ప‌టిక‌ప్పుడు ట్విట‌ర్ వేదిక‌గా త‌న ఆనందాన్ని పంచుకుంటున్న ఉపాస‌న నిన్నంతా మామ‌గారి స‌క్సెస్ విష‌యాన్ని అభిమానుల‌తో షేర్ చేసుకున్నారు. నిజ‌మైన గ్యాంగ్ లీడ‌ర్ అంటూ హ్యాపీనెస్ ని వ్య‌క్తం చేశారు. తాజాగా సైరాలో త‌మ‌న్నా పాత్ర‌కు ఫిదా అయినా ఉపాస‌న ఏకంగా మిల్కీబ్యూటీకి ఖ‌రీదైన డైమండ్ రింగ్ ని బ‌హుక‌రించింది. నిర్మాత రామ్ చ‌ర‌ణ్ భార్యామ‌ణి మిల్కీ బ్యూటీ త‌మ‌న్నాకు అద్భుత‌మైన బ‌హుమానం అందింది. పంపిన గిఫ్ట్ ని చూపిస్తూ.. నిన్ను మిస్ అవుతున్నా. త్వ‌ర‌లో క‌లుద్దామంటూ వ్యాఖ్య‌ను పోస్ట్ చేశారు ఉపాస‌న.
ఉపాస‌న నుంచి ఆ రింగ్ త‌మ‌న్నా కు చేరడంతో వెంట‌నే వేలికి తొడిగి `మై గిప్ట్` అంటూ వేలికి ఉన్న రింగ్ ని అభిమానుల‌తో పంచుకుంది. త‌మ‌న్నా ఇందులో లక్ష్మీ న‌ర‌సింహారెడ్డి పాత్ర‌లో క‌నిపించిన సంగ‌తి తెలిసిందే. ఆమె పాత్ర‌కు మంచి ప్ర‌శంస‌లు ద‌క్కాయి. మొత్తానికి త‌మ‌న్నా కెరీర్ కి స‌రైన టైమ్‌లో చెప్పుకోద‌గ్గ పాత్ర‌లో అవ‌కాశం ద‌క్కింది. ఈ విజ‌యంతో త‌మ‌న్నాకు మ‌రిన్ని అవ‌కాశాలు ద‌క్క‌నున్నాయి. ఇప్ప‌టికే గోపిచంద్ స‌ర‌స‌న ఓ చిత్రంలో న‌టిస్తోంది. అటు కోలీవుడ్ బాలీవుడ్ లో కెరీర్ ని పెద్ద స్థాయిలో ప్లాన్ చేస్తోంద‌ట.