బర్నింగ్ స్టార్ క్రేజ్‌ను సొంతం చేసుకున్న సంపూర్ణేష్ బాబు హీరోగా, రూపక్ రొనాల్డ్‌సన్ దర్శకుడిగా.. ‘హృద‌య‌కాలేయం’ సృష్టిక‌ర్త స్టీవెన్ శంక‌ర్ క‌థ, క‌థ‌నం, మాట‌లు అందించిన ‘కొబ్బరిమట్ట’ చిత్రం ఆగస్ట్ 10న విడుదల చేసేందుకు నిర్మాత సాయి రాజేష్ సన్నాహాలు చేస్తున్నారు. ఈ సినిమాకు సంబంధించి ఇప్పటి వరకు విడుదలైన ప్రతీది సంచలనంగా మారుతున్న విషయం తెలిసిందే.
పాపారాయుడు, పెద‌రాయుడు, ఆండ్రాయుడు‌గా సంపూర్ణేష్ బాబు నటించిన ఈ చిత్ర నైజాం, ఓవర్‌సీస్ హక్కులు కూడా ఫ్యాన్సీ రేటుకు అమ్ముడుపోయినట్లుగా చిత్ర నిర్మాత తెలిపారు. నోబారియర్స్ ఎంటర్‌టైన్‌మెంట్స్ సంస్థ ఈ హక్కుల్ని సొంతం చేసుకుంది.