అక్షయ్‌ కుమార్ నటించిన తాజా చిత్రం ‘మిషన్‌ మంగళ్‌’ షూటింగ్‌ పూర్తి చేసుకుని త్వరలో ప్రేక్షకుల ముందుకు రానున్నది. ఈ క్రమంలో మరో కొత్త సినిమాకు కూడా ‘ఖిలాడి’ ఓకే చెప్పాడు. సాజిద్‌ నడియాడ్‌ వాలా నిర్మాణంలో ఫర్హాద్‌ సామ్‌జీ తెరకెక్కిస్తున్న ‘బచ్చన్‌ పాండే’ సినిమాతో అభిమానులను అలరించనున్నాడు. ఈ సినిమాకు సంబంధించి శుక్రవారం తన ఫస్ట్‌లుక్‌ విడుదల చేసిన అక్కి మాస్‌ మసాలాతో ప్రేక్షకుల ముందుకు రానున్నట్లు హింట్‌ ఇచ్చాడు.
ప్రస్తుతానికి మిషన్‌ మంగళ్‌ రీలీజ్‌ కోసం ఎదురుచుస్తున్న అక్షయ్‌.. ఆ సినిమా విడుదల తర్వాత ‘బచ్చన్‌ పాండే’ షూటింగ్‌ మొదలెడతాడని, వచ్చే ఏడాది అంటే 2020 క్రిస్‌మస్‌కి సినిమా రిలీజ్‌ చేయనున్నారు.