ఇదే గత కొద్ది రోజులుగా మీడియాలో హాట్ టాపిక్ … తన బావ రామ్ చరణ్ ..రంగస్దలం చిత్రంతో హిట్ కొట్టాక ..అల్లు అర్జున్ కు తనకూ ఇలాంటి సాలిడ్ హిట్ కావాలనిపిస్తోందని , అలాంటి కథ ఉన్న డైరక్టర్ కోసం అన్వేషిస్తున్నాడని ఫిల్మ్ నగర్ టాక్. తను చేసిన సినిమాలకు ఈ మధ్యకాలంలో ఇలాంటి అప్లాజ్ రాలేదని వాపోతున్నాడట. తను కూడా సెమీ కమర్షియల్ సినిమా చెయ్యాలనుకుంటున్నట్లు తన క్యాంప్ డైరక్టర్స్ కు సిగ్నల్స్ ఇచ్చాడట. అంతేకాదు ఇలాంటి సినిమాలు డీల్ చేసే తమిళ దర్శకుల కథలు సైతం వింటున్నట్లు సమాచారం.
ముఖ్యంగా నా పేరు సూర్య, దువ్వాడ జగన్నాధం సినిమాలు ఆశించిన ఫలితం ఇవ్వకపోవటంతో తను వెనకబడినట్లు అభిమానులు ఫీల్ అవుతున్నారని..తను రేసులో ముందు ఉన్నానని చెప్పే సినిమా కోసం ఎదురుచూస్తున్నట్లు చెప్తున్నారు. తనూ ఓ మాస్ పాత్ర చేయాలని, అయితే అది అవుట్ ఆఫ్ ది భాక్స్ ఉండాలని కోరుకుంటున్నట్లు వినికిడి.అయితే బన్ని కథ అనగానే ఇలా ఉండాలని, ఉంటుందని ఫిక్సై రాసుకుంటున్న దర్శకులు ఈ డిమాండ్ తో కన్ఫూజన్ అయ్యి..అలాంటి కథలు వండే పనిలో ఉన్నారట.
ఏది ఏమైనా త్వరగా నిర్ణయం తీసుకోవాలని అల్లు అర్జున్ ఫ్యాన్స్ కోరుతున్నారు. మరో ప్రక్క రామ్ చరణ్ …బోయపాటి తో చేస్తున్న చిత్రం వినయ విధేయ రామ షూటింగ్ వేగంగా జరుగుతోంది. దాని తర్వాత వెంటనే రాజమౌళితో చిత్రం ఉంది.ఈ స్పీడుని దాటేలా అల్లు అర్జున్ ఇప్పుడు నిర్ణయం తీసుకోవాల్సి ఉంది.